^^الموعد^^
05-10-2022 - 06:40 pm
احيي اخواني بالمنتدى جميع وخاصة الاخ تميم بعد غيبة طويلة ...
نويت اسافر من الرياض للمغرب وكنت اتوقع ان فيه رحلات على طول من الرياض لكازا وانصدمت ان مواعيد
الرحلات سيء للغايه الثلاثاء فيه رحله من الرياض لكازا بس طبعا عندي دوام الاربعاء ومقدر اغيب يومين
يعني الاربعاء مقدور عليه وحصلت رحله من الرياض لجده لكازا يوم الاربعاء 7صباحا بسعر 2550ريال والعوده
نفس الشيء يوم الجمعه ...بصراحه معاناة لاهل الرياض العام نروح على الخطوط الملكيه ونوقف بالقاهر
والمره هذي بجده ..الله يرزقنا بخطوط صح تريحنا من الوقوف كل شوي بدوله والله صار نقل جماعي ماصار
طيران الله يفرجها ...بصراحه متشوق لشوفة البرتقال بالشوارع وكبسات الترفاس ..الله يالدنيا صندوق
اليوسفي المغربي عندنا بثمانين ريال وهناك بالشوارع طايح توطيه السيارات
ان شاءالله اصور واكتب لكم عن مشاهداتي طبعا بمكاني المفضل بالرباط الاسبوع القادم ونفسي ازور افران
بس شكلها برد وبعيده عن الرباط وتحتاج لملابس خاصه وادوات تزلج وانا والله مااستعديت بشيء ..
خويا الله يوصلك للمغرب على خير وان شاء الله تستمتع.. بخصوص افران قريبة و لوازم التزلج ممكن تؤجرها في عين المكان.. بثمن جد مناسب..
الله ييسر لك أموك و يوفقك
احترامي..