1. بانكوك – بوكيت 180ريال للشخص


2. بوكيت –كوالالمبور 276 ريال للشخص


3. الحجز مازال ok واخذنا الغرفه وريحنا من تعب السفر .

السلام عليكم ورحمة الله وبركاته
الجزء الأول
سوف اسرد لكم تقرير عن رحلتي في ارض العجائب والابتسامة
وسوف يكون التقرير مدعم بقليل من الصورلان معظم التصوير بكاميرة الفيديو طبعا
علشان تكونون في الصورة 80% من الرحلة تم تنسيقه عبر هذا المنتدى الرائع فقلنا نرد بعض من هذا الجميل
وثاني شي الرحلة شبابيه لشخصين أول مره نذهب لتايلاند وكان وقت السفر شهر نوفمبر 2007م .
كانت التجهيزات والاستعدادات للسفر مبكره قبل الرحله بشهرين تم الحجز عن طريق الخطوط القطرية
البحرين –قطر- بانكوك –كوالالمبور-قطر –البحرين 2035 ريال للشخص
طبعا الرحلات الداخليه كانت على (AirAsia) وكانت الحجوزات عن طريق النت من السعوديه وكذلك الدفع طبعا الميزه ان الأسعار كانت رخيصة لأننا حجزنا من وقت وكانت كالتالي

بانكوك – بوكيت 180ريال للشخص

بوكيت –كوالالمبور 276 ريال للشخص

طبعا تبدا الرحله وأحداثها من مطار البحرين وكان إقلاع الرحله الساعه 10.45 ليلا وطبعا كان الحجز عن طريق الخطوط القطريه نفسها مش من مكتب سياحي طلبت من موظفة القطريه في البحرين ان تعطيني البوردنق باس حق قطر – بانكوك فقالت تاخذونه من قطر استغربت فقلت ليش حجزنا فيه شي قالت مااقدر اعطيك من هنا ماحبيت اطولها ومشينا وطرنا وصلنا الدوحه ورحنا نقطع البوردنق باس قال الموظف الرحله
فل عرفت هنا ليش الموظفه رفضت تعطيني البوردنق قلت كيف فل واحنا حجزنا ok قال كلموا المسئول
طبعا الظغط وصل 100000:112: قابلنا المسئول قال الرحله فل ولكن بنعوضكم قلت كيف قال هذا البوردنق باس على هانج كونج على البسنس كلاس طبعا رحلتنا كانت على السياحيه وتقلع الساعه 1.15بعد منتصف الليل وباقي تقريبا 45دقيقه على اقلاع الرحله حقت بانكوك طبعا شد النقاش بيننا وبين المدير ليش حنا بالذات واحنا حجزنا ماعليه غبار ومن الخطوط القطريه وقبل الرحله بشهريين قلنا شوف أي درجه على الرحله وحطنا فيها قال مافيه الا حل وحيد انكم تطلعون على رحلة هانج كونج قلنا متى الرحله قال 1.30 قلنا هانت بعد رحلتنا بربع ساعه مافيه مشكله وعلى البسنس كلاس تهون بس اذا وصلنا هناك متى رحلتنا على بانكوك قال تنتظرون حوالي ثلاث ساعات وتطلعون على الكاثي باسيفيك الى بانكوك وقمنا نطالع في بعض انا وخويي وقلنا بس اكيد حجزنا على بانكوك مايسير هناك لخبطه وخطوط ثانيه قال كل شي اكيد قلنا قلتوها المره الاولى وطلعت الرحله فل وطلعنا وصراحه البسنس كلاس شي احلى مافي الرحله بغينا نفوتها علينا المهم مالكم في الطويله وصلنا هناك وزي مقال المدير كل شي اكيد ومجهز وطرنا من هانج كونج الى بانكوك وكان اجمالي التاخير عن الرحله الاصليه حوالي خمس ساعات والرحله شباب يعني الامور طيبه طبعا كان المخطط نصل بانكوك ونروح بتايا على طول لاننا حجزنا فندق هناك وبالفعل وصلنا بتايا الساعه 8 مساء ورحنا الفندق على طول وحصلنا

الحجز مازال ok واخذنا الغرفه وريحنا من تعب السفر .

طبعا الفندق هو فندق ميركور (ميركوري) وعملنا حجز من نفس موقع الفندق وكان ارخص من اسيا روم
ونحن في السعوديه وكان الحجز غرفه ديلوكس لشخصين اربع ليالي 8800 بات وموقع الفندق جيد بعيد عن الزحمه والازعاج وحلو للناس الي تحب المشي . يكون على الشارع الثاني وتمشي مسافه في شارع فرعي ولكن الفندق يقدم خدمة التوصيل مجانا للشارع الثاني على مدى 24ساعة بحيث انه يوفر عليك المشي في الشارع الفرعي ولكن الفندق اربع نجوم ونظيف وخدمته ممتازه .ونراكم في ا لجزء الثاني عما قريب ان شاء الله احاول احمل الصور واكمل التقرير في اسرع وقت واتمنى اذا التقرير عليه ملاحظات اخباري بها شكرا,,,,,,,,,,