بسم الله الرحمن الرحيم بداية (تن) احب اشكر كل من الزملاء الأعضاء علا جوابهم علا الاستفسارات الي طرحتا قبل فترة وللأسف ما قدرت ارد عليهم وأشكرهم فلهم مني هذه الباقة :smile106: (tmeem_شيش ملك _نواف التميمي_مهاجر للمغرب _متهني) نبداء موضوعنا .. بهذي الرحلة الغريبة بداية الفكرة كانت من المنتدى قبل سنة كل ما دخلت بمر علا احد البوابات اشوف بوابة المغرب اكثر عدد متواجد(بنسبة لدول العربية ) يوم يومين ثلاثة وقفت قدام المراية اكلم نفسي قلت ليش ياولد ما فكرت في المغرب رد علي الي بالمراية قال ليش بايعها !! قلت طيب لييش قال انا اقولك 1_ بيسحرونك بيخلونك تطق للحولي بصبع قلت وش بعد قال 2_ اذا جيت تتزوج وطقو برنت بالجوازات (اذانت سعودي ) و شافو المغرب رحت غلطة (هذا اذا كنت عزوبي) اما المتزوج اذا درت المدام والله بتصير علووم قلت اية قال 3_ انت حالف انك ماتروح دولة عربية مرة ثانية قلت ok نسيت الموضوع فترة او نقول تناسيت مر كم شهر والفكرة مازالت تقطق براسي المهم جا ذاك اليوم دخلت المنتدى بحماس شفت تقرير جامد الحقيقة ما تمالكت اعصابي سويت اتصال سريع لثنين من الشباب (كانت اجازة) و قلت والوضع كيت كيت وش رايكم لاكن الأجابة المعهودة ( ليش بايعها) الحقيقة قفلت معي خلاص انا راايح رايح والله لو لحالي في هالوقت اتصل علي زميل عزيز كنت حاطة برى الخطة نهائئيا خاصة ان الرجال يسمع بالجواز ولا قد شافة طلعنا نتقهوا واسوالف واجيب طاري السفر وترا لازم الواحد يغيير جو خاصة اذا كانت الديرة بعيد شوي والواحد يبي يرتاح واعطية من هالرخيص