الرجاء منكم الاقتراح علي في المدن وعدد الايام والاماكن

عاشق الامل

16-07-2022 - 07:10 am

السلام عليكم ورحمة الله وبركاتة
لو سمحتوا بسافر أن شاء الله لماليزيا 10 أيام شهر عسل وناوي أسكن في
3 أيام في سلانجور في بيراميد تاور
يومين في لنكاوي في لنكاوي لاجون ديلوكس على البحر
يومين في بينانج باي فيو بيتش او هوليدي ان محتار بينها وكلها ديلوكس على البحر
3 أيام في كوالالمبور في دورست ريجنسي ديلوكس اوتريدوس ديلوكس على البرجين
الرجاء منكم الاقتراح علي في المدن وعدد الايام والاماكن
واذا كان تشوفون أني اكنسل مدينة او أزيد عدد الايام فيها أذا كانت تستاهل أكثر من الثانية
أو مدينة تغني عن مدينة وشكراً
الرجاء الرد عاجلاً

التعليقات (9)

نبع الوفا

16-07-2022 - 09:43 am

جتنغ لاتفوتك حدد لها يوم ومبروك مقدما

سفريشن

16-07-2022 - 10:44 am

أول شيء ألف مبروك وبالتوفيق لك إن شاء الله في حياتك الزوجية
بالنسبة لسلانجور بصراحة ما تستحق إنك تسكن فيها
لإنها قريبة جداً من كوالا بالتاكسي حولي 20 إلى 25 رنقت إلى 30
وانت وشطارتك في المكاس (( ترى لازم تكاسرهم التكاسي )) أو إذا وافق يشغل العداد زين على زين
يمكن 10 إلى 15 كيلو
يعني لو تخلي ال 6 أيام كاملة في كوالا وتروح مثلاً للصن واي لاقون والصن واي بيراميد يوم كامل كافي جداً
لها
واليوم اللي بعده تروح لمجمع الماينز (سوق يقسمه نهر) ومنتزه الوندر لاند بجانبه يوم ثاني

المملوح

16-07-2022 - 11:45 am

شف اخوي توصل كوالا رح سلانجور 2 يومين ثم اطلع لم لنكاوي 3 ايام الشرتون يمدحونة ثم ارجع لكوالا بينانج
مهيب الي تبي ثم وسع صدرك في كوالا في شارع العرب اسكن فية ويستن والا ماريوت جنبك كلش وفلها سهر لين الفجر وحدد يوم واطلع لجنتنج والله يوفقك

سعود الرياض

16-07-2022 - 12:46 pm

في بينانج حاول تاخذ فندق باي فيو بيتش... ولاتفكر في هوليدي ان سيء جداً

وهــــم

16-07-2022 - 01:47 pm

سعود الرياض
كلمة سئ مدحة بحقة
الا اسوا من السئ

مسافر دروب

16-07-2022 - 02:48 pm

اخوي عن تجربه لا تحجز في دورست ريجينسي الصراحه سيئ واذا تبي في شارع العرب عند الماريوت
الوستن الريتز واذا تبي احذا البرجين عندك تريدرز امبيانا الرائع المندرين

عاشق الامل

16-07-2022 - 03:49 pm

نبع الوفا
سفريشن
المملوح
سعود الرياض
وهم
مسافر دروب
الله يعطيكم العافية على اللاد الجميل
خلاص كنسلت سلانجور و خليناها كوالالمبور بس وش رايكم تريدوس ولا ويستن
وما أدري اكنسل بينانج ولا اخليها
يعني ممكن اجلس في لنكاوي 3 ايام وبينانج يومين 5 ايام في كوالالمبور في ويستن
وممكن 2 سلانجور 3 لنكاوي 5 كوالالمبور
ياناس محتار

ابو نورة sss

16-07-2022 - 04:50 pm

اخوي العزيز الله يوفقك وعقبال العيال ان شاء الله
ثانيا بالنسبة لبينانج انا عني رحت ماليزيا مرتين والصراحة اشوف لنكاوي تغني عنها اذا ماحبيت انك تكثر في التنقلات يعني لنكاوي ثلاثة ايام حلوة فيها وزي ماقالوا الاخوان سلانجور مافيها شي يستاهل وانا الان اكلمك ونا ساكن في لنكاوي لاجون الصراحة حلو جدا وهي قليلة في حقة ماخذ غرفة سويت فوق البحر مباشرة نظام الاكواخ مع الافطار بي 550 ريال والله من الرخص بس المشكلة ان لنكاوي مترامية الاطراف يعني كل مشوار من الفندق من ربع الى نص ساعة .....................
ابو نورة sss من لنكاوي

فيوية الحلوة

16-07-2022 - 05:51 pm

أخ عاشق الأمل ..
نصيحة من أخت محبة وحريصة على وناستكم في رحلتكم ................
بالنسبة للنكاوي لاجون أنصحك انك تغيره بأي فندق ثاني لأنه مليان وزغ في الغرف وأنا مالي إلا شهر من رجعت من برى حلو حتى الغرفة حليوة بس بصراحة انك تنام مع وزغ شيء مقزز ولا تسوى عليك تنكد عليك رحلتك عشان شيء تافه ...
وبالتوفيق إن شاء الله

كوالالمبور المسافرون العرب

الرجاء منكم الاقتراح علي في المدن وعدد الايام والاماكن