قصة وهم
14-09-2022 - 03:31 am
السلام عليكم ورحمة الله وبركاته
الأخوة الكرام والأعزاء
أشكركم كثير الشكر على هذا المنتدى الرائع وارجو منكم مساعدتي لتنسيق جدول لرحلتي الأولى مع زوجتي المصون والمدلله وسوف تكون إلى ماليزيا وأرجو من الله أن تكون رحلة موفقة.
موعد الرحلة يوم الثلاثاء بتاريخ 4- 10 - 2011 إلى 19 - 10 - 2011
سوف ننطلق من جدة دايركت على كوالالمبور وهنا ماادري اش اسوي
أتمنى من الأخوان شرح خفيف وواضح مع جدول ممتع واصبروا علي شوي
عندي بعض الاستفسارات بخصوص الطيران الداخلي والسفر بالعبارة متى احتاجهم يعني للسفر من وين إلى وين..
لان كل واحد وجوه بالفنادق والمناطق وطريقة التنقلات
انت شوف اللي يمشي معاك وطبقه
وان شاءلله الاخوان ماراح يقصرون معاك بعمل جدول لك
بالنسبه لجدول رحلتك انصحك بالتالي ولو ان مدتك شويه فيها زياده
اول لليلتين للراحه بمنطقة سلانجور باحد الفنادق ( الخيول الذهبيه او الصن واي )
ثم الطيران إلي جزيرة لانكاوي ولك حرية الاختيار بالفنادق بما يناسب ميزانيتك
والمبيت فيها اربع لليالي وليس ثلاث لليالي ( انصحك ) لانها راح تعجبك ان شاءلله وتحس براحه نفسيه فيها
ثم الذهاب صباحا إلي جزيرة بيننق عبر العباره والمبيت فيها ثلاث لليالي ولك حرية الاختيار بالفنادق لما يناسب ميزانيتك
انصحك بالعباره عشان ماتتعب بسالفة الطيران من مطار لي مطار
ثم الذهاب للمدينة كوالالمبور المحطه الاخيره لك وانصحك بفندق الماريموت سعره زين ويناسب الجميع
سواء طيران او بالباص vip وانصحك بالباص عشان تكون سفرتك متنوعه مابين طيران داخلي وعباره وسفر بري
انا بالنسبه لي عقدتني الطيران ماحب اطامر من مطار لي مطار
بالنسبه للفنادق صعب احدد لك فنادق معينه لان اللي يعجبك يمكن مايعجبني واللي يعجبني يمكن مايعجبك
لان انا تفرق معاي حتى بنوع الغرفه
وعسى الله يوفقك ويهنيك مع المدام