كواريزما
23-07-2022 - 05:37 pm
بسم الله الرحمن الرحيم
انا مسافر ان شاء الله يوم الثلاثاء وعندي بعض الاستفسارات ياليت اذا تساعدوني فيها
الذهاب من جده الى فيينا
العوده من باريس الى جده
يومين فيينا---4ايام زيلامسي---4ايام انترلاكن---يومين باريس
@كم المسافه بين فيينا وزيلامسي@وبين زيلامسي وانترلاكن@وبين انترلاكن وباريس وكم الاسعار
هل اقدر انتقل بين هالاماكن بالقطار بخط سير واحد ولا لازم تغيير خطوط ومن قطار لقطار
@هل يتم تفتيش اللاب توب في المطار
@هل جميع التنقلات تكون عن طريق القطار يعني كل رحله اخذ تذكرة والا في تذاكر تكفي كم يوم
@ بالنسبة كمان للاتصالات يعني شنو شريحه الاتصالات اللي اطلعها
@بالنسبه للميزانيه كم يكفيني في هالمده ((طبعا 2نفر شباب))من غير تذاكر وسكن وشوبينج
هذي اللي ببالي الان ياليت احد يفيدنا لان ماكو وقت واحس الشغله ملخبطه وبنجيب العيد
واذا ممكن احد يقول في الاماكن السياحيه حسب الجدول لاني حجزت وشكلي توهقت
حياك اخوي ..
فيينا >> زيلامسي .. 4 ساعات ونص .. ولابد من تغير القطار في سالزبورق
زيلامسي >> انترلاكن بحثت لك بالقطار الاوروبي ولكن ما رضى يعطيني جواب .. وبالقطار النمساوي كالاتي :
اقل مدة 7 ساعات ونص .. ولكن 6 تغيرات للقطار
8 ساعات ونص .. و 4 تغيرات
9 ساعات وربع .. و3 تغيرات
كل اللي ذكرته لك تلقاه
بالنسبة للتذاكر هناك عروض لعدة سفرات ولكنني لم اجربها .. ممكن تسال لمن توصل هناك .. بالنسبة للإتصالات هناك البطاقات المسبقة الدفع كشركة T mobil ومتوفرة في أكشاك السجائر والتذاكر Tabak Taffik والمحلات الأخرى وقيمه البطاقة 30او40 يورو ومشحونة ب 20او15 يورو ، عند تركيب الشريحة اتصل على 2040 واتركه يتكلم ثواني بالألماني بعدين اضغط رقم 2 وادخل الرقم إلي خلف البطاقة بعدين مربع وبكذا ينشحن الرصيد ..بالنسبة للميزانية وبما انكم شباب اعتقد 140 يورو يوميا مناسبة يومياً .. من دون الشوبينق على كلامك والتنقلات ..
وبالنسبة للبرامج السياحية كالتي :
فيينا : في النهار قصر الشانبرون .. الجبل المطل على فيينا .. برج الدانوب للغداء .. التمشية على ضفاف النهر وزيارة الجامع الكبير القريب من البرج وهو على ضفاف النهر ..
ومساءً التمشيه في شارع الكارتنر .. شارع المارياهلفر ..وحديقة شتاد بارك .. ومنطقة الكارلز بلاتز وشتيفن بلاتز .. والبراتر ( الملاهي ) ..
بالنسبة لزيلامسي ..التجول على البحيرة وركوب القوارب الكهربائية .. التمشية في وسط زيلامسي .. مرتفعات كابرون .. شلالات الكريميل .. ركوب الطائرة الشراعية والباراشوت .. الزحليقة الصيفية .. تلفريك اكسبريس في داخل زيلامسي ..
بالتوفيق ،،