حياك الله
شوف هالموقع يمكن يفيدك:
http://www.holiday-rentals.com/Spain/Catalonia/r343.htm

حيا الله هولا ..
تستاهل من يدبر لك شقه من تحت الأرض لأنك تشجع البارسا،، مع انه للأسف فيك تعصب شين اذكرك من يومك بزر ;) ..
خلنا في موضوعنا ..
اولاً: احسن شي انك قررت على شقه لأنه ارخص لك بكثير من الفندق وأفضل بكثير.. بالنسبه للشققه الفندقيه فهي قليلة في برشلونه واذا حصلت بتحصلها غاليه مره.
فيه كثير شقق في برشلونه حلوه مره وفخمه، لكن مو فندقيه واسعارها جداً حلوه تتراوح الشقق اللي تستوعب اربعة اشخاص مابين 100 الى 160 يورو.. حسب النظافة والموقع ..
ثانياً: بأعطيك عناوين بعض من افضل المواقع اللي حتلقى فيها شقق مناسبه،، تختار منها الشقه الي تعجبك وتتأكد من الامكانية، وبعدين تراسلهم:
1- موقع http://WWW.LIVINGINBARCELONA.COM
بتلقى كم شقه اسعارها معقوله جداً، اذا اخترت شي راسلهم على هذا البريد:
اسم الشخص: خوزيه ماريا، ترى امون عليه لو بغيت خصم
2- موقع http://www.top-barcelona-apartments.com
عندهم كم شقه حلوه، تراسل وحده اسمها Silvia على هذا الأيميل:
3- موقع http://www.holidaysinbarcelona.com
برضوه عندهم شقق اسعارها حلوه،، تراسلهم على هالأيميل، بتلقى وحده اسمها لورا
4- موقع http://www.visit-bcn.com
فيه كم شقه معقوله، تراسل Elisabeth على هالأيميل:
بنت حبوبه مره بس لاتقول لها انك من طرفي لأني مطاق معها :112: ..
5- موقع http://www.friendlyrentals.com/ViewPropertiesByCriteria.aspx?CultureCode=en-GB&RegionId=1&ControlConfig=0
بتلقى اغلب الشقق الحلوه الرخيصه عندهم مليانه. بس جرب. ماراح تخسر.
6- موقع http://www.barcelonanextdoor.com/detalle.php?idioma=Ingles&ref=7
عندهم شقق حلوه كثير واسعارهم معقوله.
ثالثاً: يفترض انك تشوف في الخريطة موقع الشقه قبل ماتقرر عليها،، احياناً بعض الشقق يعطيك خريطه مقربه مره ومايبان لك في اي منطقه تكون الشقه، يفضل تلجأ لخريطة برشلونه الرسميه في هذا الموقع:
http://www.bcn.es/guia/guiabcn/english/guia_bcn.htm
تحط اسم الشارع ويعطك الموقع بالضبط تشوف هل هو قريب من البورت او من الرامبلا او من ساحة كاتلونيا او جنب النوكامب، زي ماتحب
وتشوف برضوه هل جنب الشقة مطاعم او محطة ميترو او محطة باص او ملعب كوره او اي شي يهمك.
رابعاً: اهم شي في الشقه تكون مكيفه، ويفضل بلكونه او سطح. وتأكد في اي دور بتكون لأن فيه كثير مباني مافيها مصعد.
خامساً: تأكد ان عملية اختيار شقه مناسبه تحتاج مجهود ووقت،، فترشح اولاً كم شقه مناسبه وفيها امكانيه وبعدها تحط اولويه وتقرر في النهاية.
شوف وش يصير معك وانا بكون معك الين تلقى شقه مناسبه..
ولاتتردد في اي استفسار..
تحياتي لك..

هلا والله ..
السلاموز عليكومز ]
المهم ..
يعافيك اخوي الأندلسي .. على الموقع
سالاس .. هلا والله يابعدهم .. اجل تذكرني من يومي بزر .. طيب طيب .. يالتسبير .. خلني بس اعرفك .. ههه ومابتسلم من لساني ..ههه
المهم يالغالي يعافيك على المواقع من جد ..شكراً .. والآن ببحث فيها وبشوف الأفضل في الرامبلا او قريبه منها
عشان نحجز ونفتك .. يعافيك حبيبي

حبيبي هولا..
صدقني بتتعب كثير وماراح تعرفني ..
شف لك شقه في منطقة الرامبلا قريبه من ساحة كاتلونيا،، هناك في كذا محطة ميترو بتفيدك في اي مشوار تبيه..
تحياتي لك..

هلا سالاس .. اي والله بتعب
والله تصدق اغلب اللي عجبوني .. صاروا محجوزين في نفس التاريخ اللي ابيه . يلعن ام التحطيم
على فكره .. تعرف كم يبعد الكامب نو عن الرامبلا ..
او ببساطه ..اذا فيه شقق بجنب الكامب نو .. فبرضو باكل .... وبقول مافيه اشكال

هلا هولا ..
لما تقول ان اغلب الشقق اللي عجبتك محجوزه.. فهذا يعني ان فيه اشياء عجبت ومو محجوزه وراسلتهم،، والا انا غلطان!؟؟
النوكامب يقع في منطقة Les Corts وهالمنطقة مو قريبه من وسط المدينة،، ما ادري بالضبط كم تبعد لكن تقريباً 15 الى 20 دقيقة بالميترو من وسط المدينة..
ما اعرف شقق قريبه من النادي،، لكن ممكن تبحث في المواقع اللي اعطيتك..
انا قلت لك ان عملية البحث عن شقه مناسبه تحتاج مجهود ووقت،، فياسرعك خلصت بحث!!!..
عموماً اذا فعلاً مالقيت شي حدد لي الفترة وقت الوصول والمغادرة بالضبط (يعني بالساعه) وحدد لي الميزانية اللي مخصصها انت والبزارين اللي معك واشوف لك شي حلو..

ههه ههه
اجل البزارين اللي معي ههه ه
ياشيخ تراهم يقرون كلامك .. ومصيرهم بيعرفونك .. عز الله بيصير تقطيع .. ههه
المهم يابعدي راسلت والله بعض الشقق امس .. واليوم ردوا علي .. ويوم دروا اني سعودي .. قالوا .. انه
مافيه امكانيه للحجز في هذا الوقت لأن الموقع لم يتم تحديثه والا هي محجوزه بالأصل !!
والله حتى خذت على البحر يعني مو بالارامبلا .. وبرضو قالوا محجوزه
المهم .. اذا ناوي تكرف نفسك .. فالله لايهينك انا بوصل برشلونه في 20 اغسطس الساعه 5 .. وبرجع لميونخ
يوم 25 اغسطس الساعه 8 الصباح

الأسبان ماعندهم مشكلة مع السعوديين،، لكن ممكن كلامك صح!
بس تبي الصراحه،، لو انا راعي شقه وراسلني واحد بأسلوبك من جد بقول ماعندي شقه فاضيه ..
الصباح بأراسل اللي اعرفهم هناك،، بس اكيد بقول لهم اني من جد ما اضمنك،، هم وضميرهم اذا بيأجرونك انت وشلتك ..
ماقلت لي كم قطيتو لأجار الشقه في برشلونه ؟

السلام عليكم مالي نفس احتسي والله بعد الخبر اللي سمعته قبل شوي .. بوفاة ابونا فهد
المهم اخوي سالاس يعطيك العافيه على مجهودك .. وواحد من الشباب حجز غرفتين في أحد الفنادق بالرامبلا ..
واسفين على ازعاجك ..
سلام