مراحب انا لي يومين ومحد رد علي ان شاء الله خير وين الاخ اخر الفرسان ان شاء الله انك تفيدني وما اكون ازعجتك

الغايب عذرة معاه
اللهم خير
تحياتي

1. ومن انترلاكن لزيورخ وبعدين ترجعين لجنيف


2. كل هذا مجاني


3. حسب علمي ان الطفل اللي معك مجانا

اهلين والله شانيل توني اشوف موضوعك
بالنسبه لابو مشاري هو عنده ظروف عادية وراح يرجع قريبا ان شاء الله وهو ما به الا العافيه الحمدلله
اذا زالت ظروفه وتفضى للمنتدى راح يرد عليك وعلى الاخوان
والبقيه من الاعضاء فيهم الخير والبركه
اول شي يا شانيل حتى اجاوب على سؤالك :
ما هو مخطط رحلتك ؟
ثاني شي السويس باس انصحك تستخدمينه فقط في سويسرا , اما النمسا ما تحتاجين له ان شاء الله , اما القطار الاوروبي اللي يضم اكثر من دولة أشوف انه غالي جدا
بالنسبه لاستخدام السويس باس في سويسرا فأبو عزيز أسهب في موضوع له كامل
ومختصره : انك تركيب اي نقل حكومي مجانا (قطارات بين مدن سويسرا , باصات , ترام ..الخ مجانا)
ويعطيك خصم 50% على التلفريك والعبارات المائية
يعني نفترض انك الحين في جنيف
تطلعين من الفندق وتروحين لمحطه الباصات وتروحين الى مونتر مجانا اذا كان عندك السويس باس , وبعدين ترجعين للفندق وترتاحين همن تطلعين من الفندق على محطه القطارات وتركبين قطار وتروحين الى انترلاكن

ومن انترلاكن لزيورخ وبعدين ترجعين لجنيف

كل هذا مجاني

• بس اظن ان ابو عزيز يقول بعض القطارات تحتاج حجز حتى وهي مجانيه مثل اللي اخرها حروف re r ..الخ
• طبعا السويس باس له أيام فيه اربع ايام وفيه ثمان ايام وفيه خمس طعش يوم طبعا هذي عدد الايام اللي تستخدمين فيها السويس باس مو عدد ايام جلستك ولو حبيتي ترتاحين من هالشي خوذي بعدد ايام سفرتك , المقصود انك اخذتي سويس باس اربع ايام وانتي جالسه بسويسرا عشر ايام , في اليوم الاول ما استخدمتي السويس باس , وفيه اليوم الثاني استخدميته وفي اليوم الخامس استخدمتيه ...الخ في النهايه يجب ان لا يزيد عدد ايام استخدامك للسويس باس عن اربع ايام اللي شريتيها وليس عدد ايام اقامتك ,, واضح ؟

انتي تشوفين كم جالسه في سويسرا وتحددين
يعني اليوم اللي تستخدمين فيه السويس باس لو مشوار بسيط يعتبر يوم عليك ...الخ
فيه نقطه مهمه وهي انك تفعلين السويس باس
ونقطه مهمه ان السويس باس انواع بس اظن اللي يناسبك السويس اللي اسمه (سويس سيفر باس , واما 8 ايام او 15 يوم , سعر ال15يوم درجه اولى3200ريال لشخصين (انا وزوجتي)

حسب علمي ان الطفل اللي معك مجانا

بالنسبه للقطار في النمسا تشتريه من محطه القطار قبل سفرتك مباشرة , ولكن تاخذين التايم تيبل (جدول رحلات القطار )من ريسبشن الفندق وتطلعين قبلها بساعه للقطار وتقصين تذاكر وتركبين
بالنسبه للقطارات اللي تكون بين الدولتين ما عندي خبر عنها وانا مثلك ما لقيت خبر اكيد عنها , وعموما استعدي لها ما راح تكون غاليه جدا ولا راح تكون رخيصه (حطي لها نصيب من بند الطوارئ اللي بالفيزا )يعني اذا سافرتي لازم يكون على الاقل معك فيزا فيها رصيد 3000ريال هذي لأي شي طارئ غير محسوب له حساب .
وهل شفتي موضوع ابو عزير عن السويس باس ؟
وعذرا على اللهجه العاميه بس حبيت توصلك المعلومة

خالد
معليش ازعجتكم معي بس الله يخليلنا مشرفين واعضاء منتدى العرب المسافرون وشكرا على ها المعلومات الحلوة
اخوي خالد انا قريت الموضوع كامل عن السويس باس اللي كتبه الاخ ابومشاري الله يعطيه العافية بس توني افهم لاني توقعت اني اقدر احصل عليه حتى من فيينا بس الحين عرفت انه ماينفعني هناك وانه خاص لسويسرا على العموم ماقصرت ويعطيك العافية ويسهل امورك كلها يارب

وياك شانيل وطمنيني وش يصير معك