الله اكبر
وين الناس
كلمة ولو جبر خاطر

اذا المكان فيه عرب كثير ...النقاب راح يكون عادي ومتعودين عليه
لكن في الاماكن اللي مافيها عرب كثير .. ممكن يكون ملفت نوعا ما ..لكن شخصيا اقولك سوي اللي تشوفي انه صح وتوكلي على الله ومحد راح يعطلك او يقولك شي ..وبالعكس ترى المعاهد والجامعات متفهمين بدرجة كبيرة جدا للامور الدينية
انا في مكان العرب ينعدون على اصابع اليد ..ومعنا وحدة متنقبة نقاب كامل وعادي جدا !!

انتي تقولي الدراسه في فلوريدا ...والموضوع عن الحجاب !!
عموما ..اي مدينة ؟ اذا اورلاندو ...العرب موجودين فيها بعدد مش بطال ...وبالتالي بيكون الحجاب عادي

الله يجبر بخاطرك اخوي
ام علاقة الموضوع بالعنوان يا طويل العمر
الحجاب في فلوريدا وفعلا المدينه اورلاندو

أختي : مهرة بنت أبوها https://artravelers.com
أشكرك على أهتمامك وبصراحة أنك نموذج للمرأة المسلمة ...
والله يأأختي أعتقد أن لبس الحجاب هناك ممنوع .في الجامعات
الله يوفقلك خير

ماشاء الله عليك يا مهرة اعجبني قوة شخصيتك واعتزازك
الله يوفقك وين مارحتي يالله يارب
وترى الدين يسر والشريعة جاءت لرفع الحجر ،والأصل بالدين التيسير من دون التجاوز الى ماهو حرام ، فلذلك أسألي من العلماء من هو موثوق الدين والعلم عن كشف الوجه في حالات خاصة أسأل الله لي ولك وللمسلمين الثبات حتى الممات على دين الله.
أخوك / محب الجمال

كل الشكر لكم
الله يكتب اللي فيه الخير
بس ودي اللي عاشوا بامريكا يخبروني عن الاوضاع هناك
كلام الاخ سفر وسياحة طمني شوي

مع احترامي للاخ اللي يقول اجلسي في بيتك ولاتروحين ....لو كل واحد جلس في بيته, ماتطورت العالم ولاتعلموا شي !!!! والواحد برضو لازم مايكون حساس مره ...يعني ادنى شي يصير يغير اهدافك وتوجهاتك ...هذي الحياة ..مافي شي سهل
بالنسبة للاخ اللي يقول الحجاب ممنوع !!!!!!!!!!!!! وش مصدر كلامك ياخوي؟ وبعدين انت تقول (اعتقد)
عموما ..افضل مكان في امريكا يتفهم الامور الدينية هي الجامعات ..وانا متأكد 100% ان مافي جامعه ترفض الحجاب في امريكا ...هنا عندهم حرية الاديان وماعندهم اي تحفظ على اي شكل من اشكال الحجاب
بالتوفيق للجميع

الحجاب ليس ممنوع هناك بل يوجد منقبات يدرسون بكامل حريتهم..
وللأسف قد يوجد من يحاول يهول موضوع دراسة بناتنا أو زوجاتنا بالخارج مع وجدود المحرم بدعوى المحافظة عليها وهذا غير صحيح .وهناك أيضا من يحاول أن يصيغ الدين ويقدمه للناس بنفسيته.
وأسعد الناس بهذا الدين الي يفهم الدين ويأخذ الدين عن فهم وليس أولئك الذين يرون الدين كأنه أوامر عسكرية جامدة صارمة لاروح فيها..
واذ المسألة على نظرات تهون ... شف الحين بعض المدن عندنا في نجد اذا صليت في مساجدها لانها على طريقك رايح لمشوار مثلاً جلسوا يناظرون فيك منهو ذا .
وترى خطأ ان الشخص يجعل القضية حول نقاب أو حجاب .. اذا قدرتي تتنقبين فالحمد لله وان ما قدرتي -طبعا ماهو تتراجعين من أول وهلة أو موقف لا- فالدين يسر مع الأخذ في الإعتبار ان جميع العلماء وبالإجماع يحرمون التزين يعني اذا قلنا كشف الوجه جائز في مواضع فان الجميع - علماء الإسلام - يحرمون التزين بمكياج أو روج أو بودرة ....الخ عند كشف الوجه
أخوكم ومحبكم / محب الجمال