ملبورن ميب غالية مثل سدني يعني رخيصة مقارنة مع المدن الاخرى وبالطبع يعتمد على نوعية السكن يعني قريب او بعيد مع عائلة او عزوبي في بيت او عمارة هذا اول شي وبعدين كل شي متوفر والحمد لله مع اني ماشفت المدينة فانا اعرف سدني ولي فيها ناس بس لي صديق مع عائلته بملبورن هناك وهو حسب كلامه كل شي متوفر ولا خوف بمشيئة الله من شي عسى الله يوفق الولد البطل ولو احتجتم مساعدة لاتترددون.
قطيف

قطيف
جزاك الله ألف خير ترى أنا ما أرقد من كثر ما أفكر فيه مهما كان بلد بعيد و لأول مره الولد بيكون بروحه و هو من النوع الهادي الخجول أنا صليت إستخاره قبل مانقدم على ها الخطوه و شفت رؤيه حلوه فمشينا في باقي الإجراءات لكن أدعي ربنا يرزقه بصحبة الأخيار الصالحين و خصوصا إن بعده صغير و ما تم 18 سنه ما أدري إذا فيها سخافة مني ممكن تسأل عن عموما العوائل الأستراليه هناك شو عاداتهم أخلاقهم سلوكياتهم و هل من الأفضل ناخذ له سكن بروحه أو مع عائلة أحسن .

سيدتي لا تخافي وان شاء الله بيروح وبتطمنين عليه فالمدينة متكاملة وبالنسبة ماترقدين من خوفك عليه فهذا امر طبيعي وبخصوص العادات فليكون لعلمك وحسب ماعرفته وسمعته أن الاستراليين مايقبلون عرب معاهم عدا القليل وطبعا السكن مع عائلة هو الخيار الأول تقريبا لجميع المستجدين والسكن أكثر شي مع عوائل من أصول مختلفة اتراك او لبنانيين او مصريين او اسيويين ولمدة شهور قليلة وماعليك من سلوكياتهم فهم كل واحد في نفسه وأخلاقهم مقبولة وبعدين أيش قصة تحت 18 سنة فالفيزا لاتعطى لمن هو أقل من 18 سنة الا بكفيل وشرط بالسكن مع عائلة يعني الأمور مش سايبة وان شاء الله مارايح يصير غير مايسر البال.
قطيف

--------------------------------------------------------------------------------
السلام عليكم ورحمة الله وبركاتة
اشكركم جميعا وخاصة المشرفين عن المنتدى وارجو ان يكون في ميزان حسناتكم ...
سؤالي بالنسبة للعمل والدراسة في ان واحد في استراليا فانا من خريجي اكاديمية علمية في مجال طب الطوارئ من المانيا وعلى حسب علمي بان هذه االاكاديمية من افضل في اوروبا
انا اماراتي واخطط للسفر هناك واصحب زوجتي معي وابني ايضا للاستفادة من الخبرة الاجنبية بالاضافة الى دخول زوجتي الجامعة هناك وذلك بعد الاستقرار حيث انوي البقاء هناك لمدة اقل من 10 سنوات ماهي الاجراءات وما هي انسب مدينة لذلك مع العلم اني وجد وظائف لتخصصي وبراتب ما بين 3500 الى 4500 في الشهر هل سيكفي وهل ستتم الموافقة على توظيفي والدراسة في نفس الوقت ام الوظيفة فقط لان الخبرة اهم من الشهادة غالبا ..
لكم جزيل الشكر

سيدتي لا تخافي وان شاء الله بيروح 18 سنة الا بكفيل وشرط بالسكن مع عائلة يعني الأمور مش سايبة وان شاء الله مارايح يصير غير مايسر البال
خطأ كتابتها كذا
الصح ان شاء الله
.
.
.
.
والله يوفق الجميع

إن شاء الله يوفقكم

قطيف
أشكرك على إهتمامك بموضوعي المشكله و عن إنه تحت 18 سنه فعلا الجامعة حاليا وفرت له كفيل من أسرة أسترالية ونصحوني إني أنتظر حتى شهر يناير القادم و أؤخر سفره بيكون باقي له 6 شهور فقط على ال18 سنه يعني ممكن يمشي ها الفتره و كل تأخيره و فيها خيره .

اختي انا من راي انه يسكن مع عائلة في البداية احسن له
خاصه اذا كان تحت 18 لان اي شي يصيره هم المسؤولين عنه
يعني راح يهتمون فيه اكثر من لو كان اكبر من 18
وملبورن فيها ميزه ان سكنها مختلط
يعني ممكن تكلمين المعهد وتشرطون عليهم ان العائلة تكون مسلمه