نشر في الفلبين

الخطوط السعوديه

الرويضي الرشيدي

29-11-2022 - 10:05 am

تحياتي الى الجميع
منهو الي صارت له معاناه مع الخطوط السعوديه
بالنسبه لي انا سافرت عليها مره وحده للفلبين ولاعاد اعاود السفر عليها ثانيه
تأخرعن موعدها دائما والتكييف كان حار وبعد اربع ساعات بالجو صار بارد جدا وطلبت من عندهم بطانيه قالو اسفين ماعندنا خلصت. اهمال الى بعد الحدود
وفي داخل السعوديه والله انها ترفع الضغط

التعليقات (9)

traveler000

29-11-2022 - 01:25 pm

بالنسبه لي ولله الحمد ثلاث مرات ومن احلى مايكون _
مره واحده تأخرت 20 د وهذا يعتبر تأخير معقول __

origami

29-11-2022 - 02:26 pm

traveler000
وانا معاك في الرأي ياغالي....
وكم تاخرت؟؟؟ الطياره عليك وليش مافيه بطانية معقوله ...كانت فل؟؟؟

الرويضي الرشيدي

29-11-2022 - 03:27 pm

origami
يعطيكم العافيه ولاكن انا رحلتي كانت في 17/7/2010 من الدمام - مانلا وقت الاقلاع 7:40 مساء ولا اقلعت الى الساعه 9:20 مساء والمكيف برد بعد اربع ساعات بعد مانعفسنا صار تقول ثلاجه وبطانيه مافيه وحللها

*الفارس*

29-11-2022 - 04:28 pm

ياشباب الخطوط السعوديه انا جربتها كثير شرق و غرب تراها زينه و نظيفه و مافيها خرابط يمكن حضي زين معهم نادرآ ماتتاخر و مره مع خويي طلعونا درجه اعمال و مدير مكتب مانيلا جدآ متعاون وخصوصآ مع كبار السن مره طلع 4 مسافرين درجه اولي و اعمال لاكن مكان لي حظ و لازعلت عليهم. حاجه ثانيه تطير من ديرتك و ترجع عليها وتفتك من مرمطه المطارات و الفنادق.

فليح11

29-11-2022 - 05:29 pm

رحت على السياحيه وفي الاياب مادريت الا وحطوني على رجال الاعمال
بس المره الجايه ابجرب الاتحاد ماعمري جربته والله من جد يمدحونه
اما التاخير ماتاخرت ولا دقيقه

فراشة الشرقيه

29-11-2022 - 06:30 pm

انتقد بالخطوط السعوديه قلة الرحلات الاسبوعيه لبعض الدول وفيه شغله ثانيه مافيه سوق حره حلو اسواقعها اي كلام ..

zmanee

29-11-2022 - 07:31 pm

احلى ما فيه الخطوط السعوديه انها دايركت
واسواء ما فيها انها انهم يقولون لك الذهاب والعوده دايركت
بس تتفاجئ ان العوده توقع في احد الدول ويرقعونك ساعتين وزياده
واذا قلت لهم شي صرفوك بالتصاريف الي ما تخلص
والشي الثاني ان ما غيها وسائل ترفيه الا لبعض الدول وعلى حسب الطياره مثل شاشات وتلبيت طلبات
بس للامانه الحمد لله ان ما قد تأخرت عن رحلاتها اذا ركبتها

hamdaan

29-11-2022 - 08:32 pm

السبب اللي يخليني اختار الخطوط السعودية لحد الان هو الدايركت
الدايركت ( يازينه
ولاحظت فرق كبير عن الترانزيت ) ميزه حلوه ومريحة بالنسبة لي
عقبال الاسعار المناسبه على جميع الخطوط وخصوصا بالمواسم
تحياتي للجميع

مشعل بن كنج

29-11-2022 - 09:33 pm

لا انصحك اخي الكريم بالسفر علي الخطوط السعودية الا في اضيق الاوقات واخر الحلول فلا حول ولا قوة لك الا بالله ...
التكيف والتاخير وعدم توفر لمتطلبات ورداءت الاكل وانعدام النظافة والروائح الكريهة شي طبيعي في الخطوط السعودية
تحياتي لك
.

الفلبين المسافرون العرب

الخطوط السعوديه