مسافر جديد ()
14-12-2022 - 08:18 pm
السلام عليكم ويسعد صباحكم جميع
انا كتبت موضوع قبل كم يوم عن رحله الخطوط السعوديه من الدمام الى اسطنبول دايركت وانو سعررها صراحه مغري ورخيصه وهالشي عفس جدولي شوي لاني كنت ناوي اطلع في سفرتي على الطيران التركي.
رحله الخطوط متاخره شوي وصولها الساعه 9 بالليل وانا ترتيب جدولي انو اوصل اسطنبول واستاجر سياره واطلع على طول يلوا بس اللي صار اللحين انه مع توقيت رحله الخطوط اشوفها صعبه امشي الى يلوا بالليل خصوصا انها تجربه جديده علي
الاخ ماجد الله يجزاه خير نصحني استاجر ليله في اسطنبول وفجر اليوم الثاني اكمل مشواري على نفس الجدول اللي مرتبه.
استفساري يااعضاء المنتدى واهل الخبره كالتالي:
1- وش اقرب فندق للمطار اقدر اسكن فيه ويكون طريقه سهل عشان اذا كملت باقي برنامج الرحله في اليوم الثاني؟
2- هل استاجر السياره لما اوصل اسطنبول ولا اخليها لليوم الثاني
3- هل تنصحوني اسافر على الخطوط السعوديه ولا ابقى على التركي علما اني راح اوفر تقريبا 2000 ريال في التذاكر
وسلامتكم وتحملوني ادري استفسارتي كثيره بس مالي بعد الله غيركم
وحياك