الزعيم سلوم
مع انو طاري الخطوط السعودية ما يريح
احبابي
انا حجزت لاندونيسيا في 6 سبتمبر القادم على السعودية (الرياض - جاكرتا ---- جاكرتا - جدة) على امل انو الرحلات الدولية رح تكون مريحة ومرفهه شوي
لكن للاسف تفاجأت من شخص يحكي لي انو رحلات السعودية لجاكرتا على طايرات بدون شاشات وشبيهه للطيران المحلي
بذمتكم شلون ممكن نقضي 9 ساعات وحنا جالسين نناظر ببعض
وربي شيء يحزن وحالتنا ويا هالخطوط حالة
ياريت اللي عندو خبر اكيد عن وضع رحلات السعودية لجاكرتا يخبرنا ويطمنا ع الاقل شوي
ولكم خالص تحياتي
عزيزي الزعيم سلوم تحية طيبة,
الي يميز الخطوط السعودية انها دايركت ومشكلتها مثل ماذكرت انها مافيها اي شي مناحية الترفية , اتوقع ان هاذا وقت الأيباد,
واذا فيه محال انك تغير على الاتحاد او الاماراتيه يكون افضل,
تقبل تحياتي كل عام وانت بخير

مالك الى الصبر ويش وداك عليها
اشحن لاب توب وتفرج على الافلام هذاء هو الحلاو او نم لين ربك يفرجها
تروح وترجع بالسلامه

الزعيم سلوم
عجبتي كلمة (مريحة ومرفهه شوي)
مستحيل ومن سابع المستحيلات على الخطوط السعودية
كل الطائرات اللي تروح لجاكرتا مافيها شاشات وطائرات مستهلكة
اذا تذكرتك تسترجع زودها وشفلك على طيران الامارات الاتحاد القطرية أفضل أذا انت تبي الراحة والرفاهية
صدقني اذا سافرت على السعودية واول مره تسافر رحلة 9 ساعات صدقني بتتعب ويمكن تقلب نفسيتك

عندك حلين
1- انك ماتنام قبل الرحله بفتره طويله واذا ركبت الطياره واكلت حط راسك ونم
2- ولا خذ لابتوب ولا ايباد ومش امورك

اه بس لو الانتظار في الاتحاد ساعه كان كل رحلاتي عليها
السنه الماضية عانيت من الترانزيت ولكن ارتحت للترفيه ومشى الوقت سريعا

ياجماعه الخطوط القطريه مريحه وفيها كل اللي تبي واسعارها لاتختلف عن الاتحاد للطيران او الخطوط الاماراتيه
يعني يمكن الفرق من 20 الى 40 ريال اقل او اكثر
انا دخلت النت وبحثت عن الخطوط القطريه وسئلت عنها هنا والكل يمتدحها
حتى الترازنيت على الخطوط القطريه مايتجاوز الساعه ونص
غير لو معك مجال تغيرو
او زي ماقالو خذ معك ايباد ولا لاب توب
والله يعينك ان شاءالله ماجور
الله يخلف علينا وعلى خطوطنا قال نعتز بتثقتكم

الله يعينك طحت ولاحد سمى عليك
قبل إسبوعين راجعه من جاكرتا علي قرابيع الخطوط
سالفة الدايركت أكبر كذبه
حجزنا علي أساس وقفه فنيه وخسنا في الرياض داخل الطائره ساعتين كتمه وحر وقرف
الطائره مو بس مافيها ترفيه الا المويه تخر من السقف لأنها دورين والكراسي حط في بالك يمكن يكون من نصيبك كرسي مايرجع للخلف ويمكن الطاوله مكسوره
الله يصبرك بس الروحه هينه بتكون متشوق بس الرجعه الله يلهمك صبر أيووب

مافيها ترفيه الا المويه تخر من السقف لأنها دورين
>> فيس مندهش
اجل اكيد فيه سطول بالممرات
وربي اننا شعب مضحوك عليه وحالتنا ويا خدماتنا الحكومية حالة
وش قال .. قال دايركت
اي دايراكت وانا كأني واقف على رجل حوالي 9 ساعات
>>> جاري محاولة استرجاع التذاكر
بس تصدقون لسى احس انو رح الاقي شاشة طايحة والا مضيعينها .. الله كريم
مشكوين كول ابوكم .. وربي يعزكم بغير هالخطوط

ياخوي احمد ربك انها مباشره
انا حاجز يوم العيد على الكاثي باسيفيك لسا بنروح البحرين ساعه وبعدها هونج كونج انتظار ثلاث ساعات وبعدها اربع ساعات لجاكرتا
ومثل ماقالوا الشباب خذ لك كتاب - لابتوب فيه فلمين - نوم - خذلك ايبود والوقت يمشي مثل مامشى رمضان