ما اقول غير عليهم من الله مايستحقون
طبعاًمو الكل
حتى المرضى ماسلموا من شرهم ..
ما الومك اخوي the net

the net
الخطوط السعوديه مشهورة بهذه الحركات :112:
ولكن الواحد يكون حريص فمثلاً يؤكد الحجز كل فترة حتى لو قص التذكرة
وبعدين خلك مثلي ما اطلع المطار الا بعد ان اقص البوردنق قبل الرحله بيوم
وارح وانا مطمئن وهذه الحركه اسويها حتى في الخطوط الداخليه
وان شاء الله تتحسن الخطوط السعوديه
ويعطيك العافيه
اخوك الساحر

ههه
ياخي الشركة هذي فله
قبل ايام كنت بجاكرتا وتذاكري على القطريه وحاولت ارجع بدري يعني قبل موعد العودة ورحت لمطار سوكارنو هاتي
تخيل وش يقولون هناك ؟
يقولون مانقدر نسوي لك شي لان الطيارة فول ولا نقدر نتساعد معك ورجع بخشيشك جيبك
المهم قالي الوسيط لو كنت على الخطوط السعودية كان قدرنا نمشيك وغصب طيب نطلع لك كرسي وطبعا ببخشيش ؟؟
بالله شوف كيف المسخرة على هالخطوط من موظيفيها بالمطارات

هذا الأمر غير مستغرب ويعرف جميع من تعودوا على السفر بالطائرة أن جميع الخطوط الجوية في العالم تكون عندها ها الحركة
وموظفي الحجز في الخطوط - أي خطوط موشرط السعودية - يعرفون ما نسميه بالحجز الزائد
وسبب هذا أن بعض المسافرين ما يسافر ولا يلغي حجزه فتفاديا لوجود مقاعد شاغرة على أي طيارة تضطر الخطوط لحجز مؤكد أكثر من طاقة الطائرة
فمثلا إذا كانت الطائرة تشيل 250 راكب يحجزون ok ل 300
وأحيانا يحضر للمطار أكثر من طاقة الطائرة مثلا 260 فالعشرة الأخيرين ما يلاقون مقاعد على الرغم من وجود حجز مؤكد عندهم
وأنا سبق أن حصلت لي ها الحركة من طيران الإمارات ولكن لم يسبق أن صادفتها مع السعودية ولكني أعود وأكرر أعرف أنها موجودة عند جميع الخطوط ما عدا خطوط الطيران الاقتصادي اللي تفرض غرامات عالية تصل حتى إلغاء التذكرة للي ما يسافر

الحين مايبغالها...............................قبل الرحله بيومين فراشك وبالمطار........

السلام عليكم
الخطوط أحتفلت بمرور 60 عام على انشائها
كان لي موضوع قديم (( الخطوط السعودية دعونا نحتفل ب 60 عاماً من الضياع ))

انا حصلت معاي قصه مع الخطوط كنت طالع لمانيلا يوم 21/6/2008 المهم شيكت موقع الخطوط السعودية لقيت دمام مانبلا دمام درجة اولى 4493 صراحة تفاجأت بالسعر وحجزت وجاني تأكيد الحجز على الايميل في موعد شراء التذاكر عند خطوة الدفع الا يقولي ان السعر تم تغيره من 4493 الى 11308 ريال حاولت مره ثانية نفس المشكلة كلمت ادارة المبيعات في المنطقة الشرقية عملوا تمديد للوقت الشراء خمسة ايام ولا احد فاهم شئ من مدير المبيعات الى اصغر واحد الزبدة في اخر يوم قالوا هذا السعر اللي عندنا وما نقدر نسوي لك شئ قلت لهم ياناس انا حاجز فندق نفس اليوم لو تأخرت ولا غيرت بحسبون علي لليلة 212 دولار قالوا هذا اللي عندنا قلت طيب عاد انا من اول يوم شفت المطاريس حقتهم على طول حجزت على اتحاد الامارات دمام مانيلا دمام عن طريق ابوظبي افق 5638 ريال نفس اليوم الفرق حدود ساعتين ونص في وقت الوصول. وسلملي على الخطوط السعودية والخدمات الارضية.
التدخين ممنوع في الطيران والله امس الخميس 10/7/2008 كنت رايح من الدمام الى الرياض على الرحلة 1151 وحنا في الجو الا اشم ريحة دخان قوية صراحة ناوي اسوي شئ لما انزل بس كنت مستعجل وقلت الحين يأخروني خلهم يولون والخدمة سيئه والمظيفين نفسهم خايسة وتعاملهم سئ.

مرحب بالجميع اً
كل واحد فينا حصل معاه موقف من الخطوط السعودية أو أي نقال أخر ولكن هناك شئ بسيط ومفيد لتفايد الوقوع في صدمة الغاء الحجز أو راح عليك موعد الرحلة في اجراءات المطار ....... الخ .
ف الخطوط السعودية تستطيع أقتطاع البوردينق ( كرت صعود الطائرة ) قبل موعد الرحلة ب 24 ساعة من المطار أو مكتب أقليمي ل الخطوط السعودية وبذلك تضمن المقعد و أختيار المقعد ، ويمكنك أنهاء اجراءات الامتعة قبل موعد الرحلة ب 16 ساعة .
وبذلك بعد أتمامك لجميع اجراءات المطار لم يبقي لك سوى الجوازات وتروح المطار وأنت مرتاح ومخلص الامور من بدري .

انا اختلف معاكم بهالنقطه
من هالناحيه عندي وطنيه ههه
احب الخطوط السعوديه مره
صحيح اننا العام انلطعنا
بالمطار لان اقلاعنا كان الساعه 1 صباحا ويوم وصلنا قالوا تاخرت الرحله ساعتين بس هذي اول مرره تصير لنا مع انها تصير كثير للناس يعني من شيم الخطوط السعوديه
لكن بالنسبه لتجاربنا مع الاماراتيه ولا شي تعتبر
كنا راجعين مره على الخطوط الاماراتيه ولما وصلنا المطار على اساس ان الاقلاع الساعه 4 العصر وصلنا المطار الساعه 2 ولما وصلنا قالوا ان الرحله تاخرت 5 ساعات يعني للساعه 9 فعلا انقهرنا وتعبنا
والمره الثانيه كنا رايحين بالاماراتيه برضه وصاروا مسوين اشتراك مع خطوط شرق اسيويه والطياره كلها شغالات والاماكن المخصصه للشنط اللي بالطياره فل واحنا معانا شنطه صغيره علشان حليب عيالي وغيارات لهم قالوا مالها مكان عطونا اياها نحطها بالشحن
وجربت الفرنسيه والسويسريه كويسات بس ما يحتاج اقولكم شراب ومافيه دعاء السفر وانا خوافه بالرحله كل ماشفت شي مو زين قلت عسى ما يعاقبنا ربي وتطيح الطياره
مافيه زي السعوديه راحه نفسيه
و دايركت من الرياض للديره اللي نبيها الاماراتيه لازم نمر على دبي والقطريه قطر وغيرهم وغيرهم
الله لايخلينا منها تعيش السعوديه تعيش تعيش لول