توكل على الله واحجز طيران عالي المستوى وراقي ومحترم ودقيق في مواعيده وتعامل المظيفات بكل احترام ولطف والطائره من داخل نظيفه وكبيره
وشكرا

حياك الله اخوي بمشاركتك بالمنتدى
اولا كان من الافضل ان يكون سؤالك في ساحة الاستفسارات لتايلند
وجوابي لك ان الخطوط التايلندية تعتبر ثالث افضل خطوط بالعالم وليس عليها اي غبار واذا انت من السعودية فاسعارهم حاليا تتراوح من 3200 -3000 ريال سعودي وهناك عرض احتمال ان ينزل في بداية شهر ابريل
عموما 17 رحلة في شهر 6 محجوزة بالكامل حسب معلوماتي من موظف الحجز بمكتب الخطوط التايلندية
معناها انها ممتازة ومرغوبة
عيبها انها لا تقلع من من مطارات السعودية حالياً

بو منصور توكل وأحجز عالتايلندية بصراحة ممتازة أنا حاجز لشهر 7 -- درجة أولي التذكرة ب7200درهم -بس أكد عالوجبة تكون حلال أو سي فود ----تري مافي حجوزات كلها فل مليانة الناس تحجز للصيف من ألحين .

الاخت ليمونه....شكرا على الافاده....
الاخ ..موعود موعود...شكرا للتنبيه واعذرني جديد على المنتدى
انا من الامارات.....ومشكور على المعلومات....
الاخ مطران شكرا لك...وان شاءالله ...تروح وترجع بالسلامه

ما يهمك اخوي اهم شي ان اكون افتدك
الخطوط التايلندية********> اوكي وخاصة انك من الامارات ..... اقول توكل على الله

طيران ماعليه كلام دقه في المواعيد ومعاملتهم حلوه وكلهم يبتسمون لك طول الرحله
واذا كنت تبى مساعده مايقصرون معاك .. بخصوص الاكل وقت الحجز من المكتب او النت
اطلب وجبه ( مسلم ) .. واكلهم مش حالك انا من الناس اللي ماتعجبهم اكلات الطيران
فسوي احتياطتي في السوق الحره واخذ لي اكلات خفيفه او اكل من المطار قبل لا اطلع
بلطياره

لا تنس يابومنصور كلام اخوي مطران
الوجبة فيه وجبات عندهم خاصة للمسلمين ،
أكيد عليهم وخله يكتبها لك بالحجز ،،
وتروح وترجع بالسلامة

طرت معاهم وايد ولا مره كانت مواعيدهم متأخره كله بالوقت

السلام عليكم
الطيران التايلندي اسعارهم مرتفعه من موقعهم فوق 5000 درهم
على السياحيه مادري على شو طيراتهم حجم 330
الاتحاد تقريبا 3100
عندك الاتحاد او الامارات طيراتهم 777 اكبر عن التايلنديه