نصيحة مسافر توه راد من امريكا
اخذو طيران اليونايتد ( united airlines ) تطير من الكويت الساعة 12 بالليل دايركت و تنزلون في مطار واشنطن دوليس الساعة 6.45 صباحا بتوقيت واشنطن ( 1 الظهر بتوقيت الكويت )
ميزة هالمطار ما فيه زحمه و ان كان فيه تسجيل دخول راح يكون سريع و سهل ان شاء الله
و الله يحفظكم

السلام ابو محمد مشكور وما قصرت علي سرعت الرد .
بس للأسف زوجي مصر يسافر علي الطيران القطري يقول عاجبه الطيران .

أكيد الطيران القطري أفضل من اليونايتد .. خاصة لأمريكا وكون رحلاتها طويلة ..
لكن نصيحتي لكم ومن خلال تجربة إنكم تسافرون عن طريق ( الكويت الرياض واشنطن ) على الخطوط السعودية ..بحكم أن أسعارها منا فسه ورحلاتها إلى أمريكا متميزة وطائراتها ضخمة ..
أهم شيء ابتعدوا عن مطار جون كيندي في نيويورك .. فهذا المطار يتفنن في تعقيد العرب والتضييق عليهم .
سفرا سعيدا

السلام عليكم
طيب اشرايكم بمطار هيوستن مع طيران الامارات دايركت من دبي
هل مطار هيوستن معقد ومزدحم مثل نيويورك ام هناك مرونه

ممكن تسافر من مطاردبي عن طريق طيران الإمارات، دبي على هيوستن دايركت
أو
على طيران الدلتا إلى أتلانتا دايركت من دبي أيضا

ممكن على الخطوط البريطانية
اذا كانت توصل الكويت
تحياتي

سجا الليل
الطيران القطري ممتاز و انا جربته ( كويت دوحة لندن دوحة كويت )
بصراحة يسوى ان الوقت يزيد على ترانزيت ساعتين بالروحة و ساعتين بالعودة
لكن امريكا خطها بروحه بدون ترانزيت طويل و يقص الظهر اذا دايركت من الكويت 13 ساعة
على القطرية وهالوقفات يبيلكم يمكن 40 ساعة و الترانزيت في المطارات متعب جدا
و الله يوفقكم

القطريه ممتازه و انا جربتها اكثر من مره بس المشكله بالترانزيت اللي في قطر و ان الطريج يكون اطول لانها من الكويت الى قطر ساعتين بالاضافه الى الوقفه ترانزيت من ساعتين الى خمس ساعات لكن غير هذا كل شي ممتاز فيها و ان شاء الله تظل جذي على طول اما بالنسبه للاسعار فهيه كلما اقتربت مدت سفركم يزيد سعر التذكره حسب توفر الاماكن لكن اذا كان سفركم ابعيد انصحج انج تحجزين من الحين و راح تلقين اسعارهم رخيصه بالنسبه الى غيرهم و... الله يوفقكم
انا ما سمعت ابسالفت مطار نيويورك و ليش الشباب في المنتدى يتجنبونه يليت تفيدونا اكثر