سلام الله عليكم جميعا أخوتي و أخواتي ورحمة من الباري و بركاته عليكم جميعا
انا اخوكم في الله جديد على المنتدى و حبيت اقدم مشاركه متواضعه للجميع
نفيد غيرنا مثل ما أستفدنا من هذا المنتدا الرائع
التجربه هاذي في مدينة الأحساء
لأني من بره مدينة الأحساء و فيها مؤقتا وحنا نسولف انا و الربع عن وش نسوي و وين نروح في هالديره
و من كثر ما أسمع سواليفهم عن نوع من الخبز المشهور في الأحساء
تحمست له و قلت يا ولد خلينا نغامر و نجرب شي جديد
و بعد البحث و التحري عن من يوديني
من واحد من الربع طحت على مرشد سياحي من عيال الأحساء و عارف كلشي فيها !!!!!!
هو وداني لهالمكان و لغيره من هالأمكان المميزه عندهم بتجيكم تقاريرها بعدين لحبي لتصوير كل جديد
وقلت خليني كل فتره والثانيه ادق عليه ونروح مكان جديد معه نتسلى و ننفع الرجال دامه مرشد سياحي و مخصص وقته في الويكند زيي
والله ماعرفت ان أهل الحسا عايشين في جنه مع خبزهم المميز الصراحه الا بعد ما ضقته وهو الخبز الأحسائي الأحمر
كانت التجربه مع هالخبز الأحمر المحضر على جذوع النخيل بطريقه جدا مميزه و بمكونات روعه من جد عجبني هالخبز و بالخصوص لا جاك مع القهووه العربيه ياويلي ويلاه
شي عجيب
المحلات الي رحتها ذي دايمه يعني مستقره و متخصصين في الخبز بالنوع هذا زي ما بتشوفون من عناوين المحلات و لوحها
وخاصتا يوم اني عرفت ان الخبازين سعوديين زيي في المحلات الي جيتها
والله قلت أكسب اجر في هالرجاجيل أكيد عندهم عيال بنفعهم بشتري منهم دوم
و حبيت تشاركوني تقريري المتواضع
كل محل صورته و صورت خبزه
و اليكم الصور على شكل كل دكان او محل في اضافه