- وناوي اروح لمدة 15 يوم والميزانية المقترحة 16 الف
حبيب قلبي فديتك ... كثير سولفو لي عنك ووالله حبيتك من كثر ما اسمع عنك
ابيك بخدمه وياليت يكون صدرك رحب معاي لاني ياخوك ميح في تايلند ولا عمري طبيتها
زواجي بالصيف على شهر 7 ميلادي
وناوي اروح لمدة 15 يوم والميزانية المقترحة 16 الف
ابيك طال عمرك ترسم لي خطة مفصله نوعا ما ولو المبلغ مايكفي 15 يوم عادي قل لي كم المدة اللي بيغطيها المبلغ مع مراعاة الآتي :
- السفره ابيها كلاسيكيه يعني هدوء وطبيعة واكتشاف ولامانع من التسوق بس على خفيف
- سفرة اقتصادية نوعا ما
- الفنادق او المنتجعات ما يهمني تكون 5 نجوم او نجمتين اهم شئ نظيفه وحلوه وفيها الخدمات الاساسيه
- الاقلاع راح يكون من البحرين او الرياض لكن ما ادري وش ارخص وافضل شركة طيران ومتى افضل وقت للحجز
- التنقلات بين المدن حبذا لو تكون بالجو عبر شركة طيران كويسه وزهيده
- المناطق اللي ابي اروح لها ما ابي فيها كثافة سكانية عاليه كأني في البطحاء خ ولا ابي فيها سفور فاضح خبرك تونا جدد على بعض انا وزوجتي فمالها داعي نتهاوش عشاني قزيت وحده منا او منا : )
اتمنى من كل قلبي ما تخذلني والقى مطلبي عندك ادري اني مكثرها عليك بس تحملني شوي .. انا دورت لمواضيع وتقارير كثيرة في المنتدى بس ماش ما بالقى منها فايدة كثر ما بالقى الفايدة من ردك على موضوعي هذا
ولك وافر الشكر والتقدير مسبقاً ولكل من حب يشارك على الموضوع بكل مفيد
