السلام عليكم وأخيرا اعتمرت ولله الحمد وبقول بالمختصر المفيد جدا تجربتي بمكة والمدينة نصيحتي للي بيروح مكة احجزوا السكن قبل لا تروحون فمع التغيرات الجديدة والهدم والبنيان بمكة تقلص السكن وصار زحمة عالموجودونادر ما تحصلون نظام شقق أنا محتاجه شقة لأن معاي أطفال فبعقم رضاعات ولدي وأبي ماي حار وريق خفيف حق الأطفال يعني جدجد توهقت بالسكن حتى أصحاب الفنادق نفسهم يقولون صعب تحصل بمكة شقق حوالين الحرم! وإحنا اضطرينا ناخذ سكن دون المستوى عكر مزاجي بس انغصبت فيه عشان زوجي تعب من الخط ويبي يرتاح بأي مكان وماكان في مجال إن نغير السكن بعد مانريح فيه ليلة وحدة لأن معاي يهال وحريم كبار ثنتين يعني صعب إني أنقل وكان السكن تقريبا قريب من الحرم من باب الصفا والمروة واسم الفندق تهاني مودةريحة السجاد العفن تشمه وانت داخل الرسبشن وكان زوجي مسكين حاول ياخذنا للهلتون لما شاف مستوى الفندق وقف عند الشرطي وسأل عن طريج الهيلتون بس من التعب كنا لف وندور بنفس الطريج أكثر من مرة وإحنا شايفين الهلتون بس موعارفين نوصله لما نهد حيله المسكين ورضينا بالأمر الواقع ونظام الفندق غرف وفي مطبخ صغير بالدور يرفع الضغط بس أحمد الله إني أخذت الشغالة معاي وفرت علي جهد وخففت من الضغط النفسي علي ولا كنت بنفجر حتى كان ودي أطول بس السكن مايساعد فكنت أبي أنحاش بأقرب فرصة وأمهاتنا المساكين مراعين زوجي وساكتين الله يجزاهم خير بس كان درس لنا المرة اليايه إن الله أحيانا وكتب لنا عمرة بنحجز ونروح هالمرة صار فينا مقلب كنت بحجز قبل السفرة بيوم بس فجأة عشان إجازة زوجي بيستغل الوقت اضطرينا نقدم السفرة يومين وتوهقت أنا بالحجز بس بصراحة ما توقعت السكن يخون فينا بمكة طبعا مافي شي اسمه حي شبيكة سألنا عنه قالوا لنا مهدوم من عرجه ورحنا محبس الجن على أساس إن في باصات تودي للحرم طلع مافي وقفوا الخدمة فرجعنا لتهاني موده مغصوبين:112: وكان سعره 175ريال هذا سعر الغرفة الوحدة وإحنا حجزنا غرفتين صج إنه موغالي بس وايد عليه صج الأثاث مبين كان فاخر بس لسوء النظافة الاهتمام صار شكله مزري وقديم وعقب درينا إن هالفندق واللي بجانبه فندق الرواسي من ضمن المشروع اللي بيهدمونهم الظاهر من جذي مالهم خلق ينظفون ويسون صيانة بالفندق وان شاء الله أكمل لكم تجربتي بالمدينة