- السلام عليكم ورحمة الله - اسعد الله صباحكم / ومسائكم بكل خير
- مالكم بالطويلة :
- التنبيهات وقد تكون موجودة لكن للتذكير :
السلام عليكم ورحمة الله - اسعد الله صباحكم / ومسائكم بكل خير
الحمد لله وصلنا لكوالالمبور بعد رحلة متعبة للغاية إبتدأت من مطار الملك خالد ، الرحلة تأخرت حوالي 5 ساعات ، موعد الاقلاع 12،20 ونادوا ع الصعود تقريباً 4.55 دقيقة ،، والحمد لله ع كل حال ،، تعبوا ابنائي وملوا ووقت نوم ،، كانت معاناة حقيقة ..
والامر الاكثر ألم الإخوة اللي جايين من المدينة وصلوا لمطار الملك خالد ورجعوا ع المدينة ورجعوا من جديد ع الرياض ،، بسبب الاحوال الجوية !!!!!!
امر مزعج جدا انا من سكان الرياض المطر كان عادي جدا ولله الحمد لاسيول غزيرة ولا غبار مانع للرؤيا ولكن الله المستعان ،،
أمسي وأصبح من جديد لخبراء القسم الماليزي والاخوة الذي شاركوني برأيهم . واقول لهم برنامجي مرتب ع مشورتكم ونصائحكم فلا حرمكم الله الأجر ،، وسأوافيكم بالتقارير لاحقاً ..
مالكم بالطويلة :
زبدة الموضوع وهي نصائح للإخوة الجدد ع ماليزيا .. طبعا اخوكم توهق لأنه جديد وقعد بالطياره لين نزلوا الناس ،، فكنت انا وحرمي المصون وبناتي الله يحفظهم نمشي ع مهلنا .. نزلنا ارض كوالالمبور،، تلفت يمين يسار شفت كم سعودي عزاب مشيت وراهم ع اساس انهم فاهمين ،، لفوا بنا شوي قاموا يضحكون ههه قلت شكل ماعندك أحد ،، لقيت ناس ثانيين بعوائلهم يتلفتون في بعض ههه لا لغة ولا حولك أحد ( منهم محدثكم طبعاً ) ،، عندي كم كلمة مشيت بها نفسي فسألت الاستقبال ،، اي نيد ماي باق ؟ ايام فروم سآودي آريبيا ،، رد علي هندي جنب الاستقبال قال انتا يبغى الشنط ،، بغين اقوم احب راسه خ ،، قلت تتكلم عربي قال ايه ،، المهم قالي اركب القطار وروح لمبنى ثاني تنزل تحت وراح تشوي تشييك الجواز وتستلم الشنط ..
فالإخوة الجدد إما ان تلحقوا بأخوياكم وتمشون وراهم وانتم وحظكم ههه يا يوصلونكم أو تآخذون جولة في انحاء المطار ،، طبعا مو شيء كبير تضيع فيه ! لا الأمر عادي بس تنبيه فقط ،، لو صار ومشيت لوحدك اتجه ع اليسار راح تلاقي استعلام ،، مقابله مباشر أماكن الوقوف وانتظار القطار للذهاب إلى المبنى الآخر ،،
تنزل من القطار تمشي ع سير أمامك ينتهي بنزول وبتشوف الناس سرا ع التشييك وراح تبصم ثم تستلم الشنط ..
التنبيهات وقد تكون موجودة لكن للتذكير :
1- خذ شنطك بنفسك اذا قدرت أو لاتزيدهم العمالة حقون الشنط عن 10 رنقت .. طلب مني 50 رنقت واعطيته كنت ببكي من القهر ،، انتهازي ولص من اللحظة الاولى في ماليزيا .. المشكله مشى شوي وقال ما اقدر اخرج برا ممنوع ،،
2-الشركات قالوا انت عائلة تركب ميني فان ( 167 ) رنقت تقريبا الى الصن واي لاقون ،، وتعرفت ع شاب زي العسل من اه لالمدينة يقول طلبوا عليه نفس المبلغ مع انه هو وحرمته بس عريس جديد الله يوفقه ،، ركبا انا وهوه كل واحد ب 100 رنقت ،، يعني اثنيننا ب 200 رنقت ..
3- اصحاب التكاسي اقل واحد لقيته ب 120 رنقت ،، فالاسعار اللي تقرون في المنتدى صعب تلاقونها مباشرة بتتعبوا في المكاسرة 85 رنقت مافي ابدا ..
4- الشرايح ع 50 رنقت و40 رنقت و 30 رنقت و 20 رنقت انت وشطارتك ،، انا اخذت من السواق ب 20 رنقت فيها 5 رنقت بس والشحن شحنت ب50 رنقت ،،
5- أنا كشخص متدين لم ترق لي بعض المشاهد فاللبس القصير موجود بالمطار والفندق والغالب النزلاء فأهل ماليزيا يغلب عليهم الحشمة والحجاب ماشاء الله ،، اي نعم ليس بالكثرة المتخيلة ولكن موجودة ،، والفندق كان مقيم حفلة غنائية ،، قلت بروح انصح المغنية حقتهم خفت يسجنوني ههه ،، هذي فقط للإيضاح .. أما الفندق فقل أن تجد له نظير ،،
6- اتصلوا ع اهاليكم ع طول وطمنوهم بوصولكم والله يوفق الجميع ونستانس كلنا في بلدنا وفي كل مكان ..
والتقارير بعد الزيارة للصن واي ،، الان نازل للإفطار ،،
استودعكم الله
محبكم أبو معاذ ،،
