1. بسم الله الرحمن الرحيم ..


2. أتمنى ان الجميع يكونوا بصحة وعافية يارب ..

بسم الله الرحمن الرحيم ..

أتمنى ان الجميع يكونوا بصحة وعافية يارب ..

في البداية أشكر الاخوان في هذا الكيان الرائع على جميع المعلومات اللي يوفرونها للجميع .. وبما اني اكتب عن باريس حاليا ... أخص بالقائمين على هذا القسم .. ولكل عضو شارك سواء بكتابة التقارير او حتى لو بمعلومة بسيطة ..
باريس ..
تلك العروسة .. التي تتزين في كل ليلة الاف المرات ..
العروسة التي تشتهر بأجمل العطور وقمة الاناقة ...
باريس .. المدينة التي ان عانقها عشاقها نهارا .. أهدت اليهم ليالي الانس الباريسية ..
باريس ! متى وكيف ولماذا ؟!
في بداية تخطيطي للسفر .. ابدا لم تكن باريس داخل حساباتي .. لأني كنت أملك شغف أجمل وأحلى ..
كنت محدد هدف واضح من غايتي للسفر .. التي سأكشف عنها لاحقا ..
ولكن سرعان ما وجدت الصديق المناسب للسفر .. الذي اقترح علي وضع باريس في مخطط السفر ..
خصوصا انه جاء الي بحجز .. يمكننا من المرور لباريس .. ونكمل طريقنا ..
فكرت في الموضوع .. وقلت ايش المانع نطلع برج ايفل .. ونمشي في الشانز .. ونشوف باريس وعشاق باريس !
وبما ان التوقف في باريس لا يتعارض مع خططي .. تم الاتفاق والاستعداد بالبحث عن باريس وما لديها ..
ولم اجد أفضل من هذا الصرح اللي احسد رواده بكمية المعلومات الموجودة بين جوانبه ..
بدأت الاستعدادات .. قدمنا الشنقن عن طريق مكتب الطيار .. من السفارة الفرنسية ..
لأنه اغلب اوراقي ناقصة ومافي وقت .. جمعنا المعلومات على مدار اسبوعين .. وكملنا كل الامور ..
الا ان لعبة الاعصاب حبت أن تمازحنا قليلا ... سأعود الى قبل موعد السفر بيومين.. أي في يوم 6 ابريل 2010 ...
كان يوم ثلاثاء .. ورحلتنا فجر الخميس .. كل شي كان جاهزا .. الا ان الشنقن ماجات!!...
المكتب كان مدينا خبر انه تكون جاهزة في يوم 5 ابريل .. و جاء يوم 6 ولا جديد ..
وكل اتصالاتي بمكتب الطيار لم تأتي بجديد .. ما اداني اجابة الا انه اجهزة السفارة تعطلت !!! ..
انا جلست اصارخ و ازاعق واقله ترى بكرة رحلتنا ... وهو يقول ماعليك حتجي بكرة .. وانا اصارخ ..
قلي ع الشنب دا حتجي ! .. قلت له حجيك بكرة واشيله كله !! .. خلصت الدوام وبديت اتأكد من باقي اغراضي ..
و باقي اليوم وانا في حالة تفكير وقلق !! .. يعني بكرة لو ماجات .. مافي سفر ..
وصديقي كان يشتغل في ينبع ( تبعد عن جدة 300 كم ) كان في هم .. طبعا كلنا مقدمين اجازات .. ومشكلة تقدم اجازة وتتحمس وتجمع كل شي تحتاجه في الاخير تقضيها داخل البلاد !! .. قيد اجازتي طلعتها بالقوة ..
كنت مخطط احلق اليوم واشتري اشياء بسيطة تكميلية ( ع اساس انه الفيزا جات ) بس انسدت نفسي تلك الليلة ..
ونمت .. صحيت الاربعاء وداومت .. اما صاحبي بدأت اجازته .. ومن الساعة 9 الصباح وانا اتصل ع المكتب ..
وكل شوي نفس الاجابة ماجاتني الا جوازيين .. وانتو لسا ما جات ... وكل ساعة تمر أكتئب أكثر ..
وصديقي يكلمني من ينبع يقولي امشي ولا خلاص ولا كيف .. في الاخير قرر انو يجي جدة ومشي ع الساعة 4 من هناك ..
انا الين خمسة اتصلت وقلي لسا الشخص هناك وما جات .. وقتها قفلت الدنيا في وجهي ع اساس انو السفارة لها موعدين تطلع فيه جوازات الصباح والعصر .. حسب ما فهمت من المكتب ..
خرجت من الدوام ع خمسة ونص .. خلاص متحطم مكتئب .. صحيح انه خيرة .. بس شي يقهر .. كل شي جاهز وحجوزات طيران وفنادق .. ورحلة العمر كانت بالنسبة لي ... كل شي انتهى !!
يعني باقي ع السفر اقل من 12 ساعة والفيزا ماجات
بس وانا في معمعة اكتئابي .. الا اتصال يجيني .. اشوف رقم الرجال .. وانا خايف ارد اخاف يقولي ماجات .. ( ع اساس انه لو مارديت كان جات ) ..
ويوم رديت عليه .. يقولي ايوا يا نايف .. قلت هلا ... قلي الجوازات جات ! ..
وقتها قلت له اسألك بالله