اي هيلتون الشيخ الدانوب ولا غيره انا سكنت بهيلتون الدانوب شوية بعيد عن السنتر بس فيه باص مجاني يوديك هيلتون فيننا اللي هو بوسط البلد ومن هناك تسير شارع المشاة بس لازم تسجل اسمائكم والعدد من الليل عشان تحجز لك مكان الصبح فالباص بس هيلتون الدانوب موقعه ممتاز يطل على نهر الدانوب والغرف واسعة واكلهم نظيف وفيه جلسة عالنهر جنان وخاصة بالليل...
واذا ما حصلت دور هالفندق قريب من هيلتون الدانوب بس 3 نجوم بس رخيص الغرفة ب92 يورو والغرف نظيفة وواسعة وفيها سرير كبير وتحته سرير ينسحب وفية كنبة تصير سرير وفيه مسبح وفيه تكرم حمام منفصل ونظيف بس الفطور فيه كرواسون وشاي او قهوة مع العلم انه فيه غلاية ماء فالغرفة ومكواة هذا ارخص ونظيف...
وانا حاضر لأي استفسار ونفسه موجود بعد بميونخ وارخص بعد ب 89 يورو الليلة اسمه سويت هوتيل(suite hotel
)

الله يعطيك العافية ويسعد ايامك
هيلتون مو الدانوب لان فنادق الهيلتون في فيينا ثلاثة :
هيلتون فينا وهيلتون بلازا وهيلتون الدانوب
فانا الان ابغى اشوف احسنها اي واحد ( الدانوب والا فينا ) لان بلازا بستبعده
وابغى فندق في ميونيخ بس يكون قريب السنتر و 5 نجوم او 4
وابغى رايكم في هيلتون بارك بميونخ
تحياتي لكم جميعا

ردّو علي يا شباب تكفوون

حنا بعد مثلك اخوي حجزنا الفنادق وكل شي تمام :icon_thum
وبقي لنا 3 ايام قلنا بندور فندق في النت ونشوفه :11_horror ونرجع نحجزه من المكتب
قالنا موظف في المكتب لا تطولون عشان تلقون حجز --ماصدقناه--
بعد اسبوع بالضبط رجعنا عشان ناخذ الفندق الاخير قال للاسف فيينا Full
في هالتاريخ --اخر اغسطس واول سبتمبر-- عندهم مؤتمر والامدري وش عندهم
الزبده
حنا مثلك نسال وش السواة ؟؟؟
حتى النت مافيه حجز الا 3 نجوم والاضواحي فينا

الله يعين يا اخوي
الفنادق الآن موجودة وسفري في جولاي مو في اغسطس
بس نبغى الشباب يساعدونا في الاختيار
عشان نفلّ شهر العسل اذا الله أراد

999saly
اخوي روح booking وبتحصل فنادق كثير وسط فينا

الله يقرقصك بالعافية

والله هيلتون فيننا بوسط السوق اما الدانوب بعيد شويه بس مثل ما قلت لك فيه باص يوديك لهيلتون فيننا وانا سكنت الدانوب وهو نظيف وموقعه حلو وعلى نهر الدانوب وتراه مب بعيد عن وسط البلد كثير..وتكفي الغرفة المطله عالنهر والجلسة الخارجية بالليل على النهر روعة وانت اختار...ولا تخاف اذا ما لقيت حجز مثل ما قالوا الاخون ومكاتب السياحه تراهم باردين وشغل نصب مش كلهم طبعا وانا لما رحت هناك اشوف الحجز ارخص وعنده حجز وتصدق لو تدش الفندق وتحجز من الاستقبال بيكون اغلى من انك تدش فنفس الفندق النت وتحجز عندهم ولا يطلع لك ارخص ههه والله ترا هذي الحقيقة.
.

با النسبه لفينا اقترح عليك ماريوت وبقوه او الميريديان (غرفه ديلوكس) لان الغرفه العاديه صغيره شوي وعندك هيلتون فينا يأتي بعدهم با الافضليه وممتاز وسألت احد ابناء عمومتي سكن فيه السنه الماضيه ويمدحه
ميونخ ما اقدر افيدك بس اسمع الشباب يمدحون الميريديان
با التوفيق