حسبي الله ونعم الوكيل فيه الله يرجعهن لك يارب
كلم على السفاره وتفاهم معهم باسرع وقت وسو بلاغ
انت كنت وين في أي مكان ؟؟
والشنطه كيف سرقها كنت تمشي فيها وهي بيدك ؟؟
الله يستر الوضع يخوف مافيه أمان

والله ياخوك طلعت على رجلي بقاله جنب الفندق ومر على دباب وخطفها المشكله انا ما اطلعها معاي بس فندق اكاسيا ماحصلت سيفتي بوكس عشان كذا شلتها معاي
ما اقول غير اللهم اجعل لي من كل هم فرجا
واعني علي مصيبتي

الله يكون بعونك و يفرج همك بإذنه تعالى
أخوي لا تطلع من جاكرتا قبل تقدم بلاغ في أقرب مركز شرطة بنفس يوم الحادثه وتاخذ منهم رقم معاملة البلاغ اللي أنت مقدمة وتحكي لهم طريقة الحادثه بالضبط والساعه كم وموقع حدوثها ثم توجه للسفارة وبلغهم باللي حصل معك وعطهم رقم البلاغ واسم مركز الشرطه اللي عملت البلاغ فيه وخل عندك صوره من البلاغ ,, واهم شي أن تكون بطاقة احوالك و بطاقة العائلة معك لان السفارة تحتاج رقم الهوية لكل مواطن عشان تصدر ورقة مرور مؤقته لك وللعائلة
و إن شاء الله ربي يوفقكم وتلاقوا جوازاتكم بإذن الله
الله يعوض عليكم

الحمد لله على سلامتك اخوي والامور سهالات ولا تضيق صدرك
لك رسالة على الخاص
ورد لي وش يصير معك

لا حول ولا قوة الا بالله ...
الله يستر عليكم ... ارجو طمئنتنا ، و ان شاء الله تكون العواقب سليمه ..

الله يفرج همكويخلف عليك يارب
انا من رأيي انك تتصل على السفارة اول
لان الشرطة ليسوا نزيهين وقد يبتزونك بعدم وجود جواز لديك..
اتصل على السفارة.. فيه شخص رائع ومتجاوب ولديه خلفية عن كثير من هالقضايا
واجعل شكواك في الشرطة تبدأ من خلال السفارة

يبدو السرقه كالعاده برادن صالح
نفس ماصار لصاحبي
اللي سواه
محضر بالشرطه لكن لازم يكون معاك أحد يترجم
إذا ماعندك السفاره تأمن لك مترجم يجلس معاك إلي أن ينتهي موضوعك
والسفاره تعطيكم تذكرة مرور ترجعك للسعوديه
وتروح للجوازات ويسوو معاك تحقيق وبالنهايه يتم إصدار جوازات جديده
أعتقد فيه غرامه لكن غير متأكد
تاخذ وقت كذا شهر علي ماتستخرج جوازات جديده ...

الله يعينك ويسهلك امورك

الامور بسيطه ان شاء الله اهم شي يكون معاك مبلغ يكفي الرحله وكل شي يهون
السفاره راح يعطونك اوراق بديله تسافر بها