السلام عليكم ورحمة الله وبركاته
والله يا جماعة الخير ما ادري وش اقولكم قد ايش استفدت من هالموقع
وبيض الله وجيهكم
طبعا انا كانت كل رحلاتي على شرق اسيا
فقلت هالمره خلوني احول اوروبا وخاصة تركيا لأني ابي مكان قريب
وشفت تقارير كثيره ولي فوق اسبوع دايخ وسويت برنامج سياحي وابي مشورتكم
طبعا الرحلة معي المدام و القمر الين عمرها سنه ونص
الرحلة ذهاب يوم 2/6/2013 الى 12/6/2013
قسمت الايام ك التالي:
من 2/6 الى 4/6 اسطنبول فندق ersari
ومن 4/6 الى 8/6 على اوزنجول في onal motel
ومن 8/6 الى 10/6 من على مطار اسطنبول وبطلع دايركت على بورصة فندق almira
ومن 10/6 الى 12/6 اسطنبول فندق panoramic taksim
احم احم جينا للاسئلة اللي دوختني
اول شي هل الجدول كويس؟؟ لاني بصراحه مابي اقعد ب اسطنبول واجد لأن المتاحف ما اهتويها لا انا ولا المدام
الشي الثاني هل الفنادق كويسه؟؟ او فيه خيارات اخرى
لأني بصراحه مخلي ميزانية الرحله 17 الف
التذاكر الدوليه ذهاب بروح على فلاي دبي والاياب على ناس وسعرهم 3000 ريال لي انا والمدام والبنوته
والداخليه حول 1400
يعني الميزانية بدون تذاكر 12600
هل تكفي الفنادق والتنقلات وهل افضل اني احجز سيارة ب اوزنجول؟؟
افضل اسكن ب اوزنجول والا في طرابزون
تكفون يا شباب ابي فزعتكم لأني للحين ما حجزت شي وكل يوم تزيد الاسعار
انتظر ردودكم وشاكرين مقدما