1. السلام عليكم ورحمة الله وبركاته وبعد :

السلام عليكم ورحمة الله وبركاته وبعد :

ولله الحمد سافرت لدول كثيرة وعندي خبره ومع ذلك لا بد ينلعب علينا وخصوصا من اللي يتكلمون عربي ويحلف لك ويقول انا مسلم هذي الصراحة وقد حصلت القصة لي قبل اسبوع مشكلة اكثرنا ما يعترف بالخطا اللي يقع فيه هذا البعض ولكن البعض الأخر من الحصرة ومن الخوف على الأخرين انهم يقعوا في نفس الخطا يتكلم بما صار له فأنا بقولكم قصتي بأختصار لكي توكد نصب المكاتب في تركيا وبالخاصة عند أخذ الحقائب :
واحد اسمه خالد من مكتب خارج المطار اسمه "مكتب فرح" للسياحة .........والنصب
أول ما وصلنا كنت مهتم اني اشوف مكتب سياحي في المطار الدولي ولكن للأسف مع اني قاري التحذير لكن ما أدري وشلون قابلني واحد اسمه خالد يتكلم عربي وقالي انت سعودي قلت ايه ومع عائلتي قال في نفسه لقيت صيده قلت له باخذ العفش يحليله حبوب شال عني الشناط وقلت ابي مكتب سياحي قال انا مدير المكتب وهذا كرتي واوديك ونعطيك برنامج حلو قال لا تخاف انا مسلم وعندي مكتب قلت ابي مكتب المطار قال غالين لأن اجارهم غالي المهم ودانا للمطعم اسمه king وخذينا غداء طبعا هو ببلاش عشانه يتعامل معهم شفنا فندق والفندق الثاني سكنا فيه وحتى الفندق فيه واحد يتكلم عربي شكلة يتعامل معه يحاولون بقدر المستطاع انهم يخربون عليك البرنامج عشان ياخذون فلوسك كلها قلت بعد يومين بروح لطرابازون عشان اروح لأوزونجول قال بعيده وتذكرتها غاليه مره هناك كونقرس شف النصب عشان اقعد في اسطنبول وياخذ يوميا مني 100 دولار واكثر طبعا وجبات وناشب فيك وين ما تروح وتقص له تذكره للباخرة و
المهم اليوم الأول ودانا لمكانين ودفعت له حق اليوم الثاني عشان نروح لجزيره الأميرات راح معنا اخوه اسمه كمال هو ودانا بالسياره وكمال راح معنا مشوار بسيط يعني بالتكاسي الأصفر الخاص ما يكلف ولا 25 ريال وغدينا اخوه الحنتور كمال اسمحوا لى على الكلمه بس منفقعه مرارتي منهم وبعدين رجعنا في الليل ويوم قلت سالت عن التذاكر لطرابازون عطاني سعر خيالي 400 دولار للشخص الواحد مع اني لقيتها من مكتب في تقسيم "وكل مكاتب تقسيم تصب واسعار خياليه"
نصاب ثاني بس عطاني سعر احسن منه اللي مغلي السعر اني حجزت قبلها بيوم ابي اسافر للديره لقيت السعر 300 دولار للشخص ذهاب وعوده لأسطنبول 1000 كيلو تقريبا . وانا في جزيره الأميرات كمال يسالني وش بتسون بكره قلت بنسافر لطرابازون وبنرجع بعد ثلاثة أيام ويوم جاء خالد عشان يوصلنا للفندق وبعد ساعة بنروح للسوق اتفاقنا كان للساعة 11 مساءا جاء خالد حمقان وقال كيف تروح للسوق على كيفكم كل شوي تغيرون البرنامج انا اوديكم على كيفي شفتوا غير اسلوبه وكل شي وسوى نفسه حمقان الحمد لله اني ما خذيته الا يوم واحد بس عشان ينهي العلاقة المهم خلى كمال عندنا وواحد ثاني وهو سويى نفسه حمقان وقلت له انا لقيت سعر افضل منك مع انه ملعوب علي قال انا نتعامل مع خمس مكاتب ليش يعطيك مكتب البدر في تقسيم سعر اقل مني وهو مكتبنا وشلون مكتب ثاني اسمه البدر al bader يرجع لمكتب اسمه فرح ؟؟؟؟؟؟؟؟؟؟؟؟
وقال كيف يعطيك سعر اقل مني انا اوريك فيه والله النصاب المهم روعتهم بكلمتين وقلت انا شغال في جريدة الرياض وراح اكتب عن مكتب "فرح للسياحة والنصب " قام الشخص الثاني كلم خالد عشان يرجع خاف والا تمثليه يسونها علطول اخذت تكاسي ويا بلاش ولا تاخذ معك واحد تغديه وتعشيه وتمشيه ولا يطلب بعد اسكندر أكله مشهوره عندهم.... موب سهل التركي؟؟؟؟
وتقص له تذكره للباخره وللسياره تعبي بنزين و اهم شي في تركيا تعرف الاماكان وانا عارف اماكن كثره بس ما توقعت النصب لهذه الدرجة الحمد لله ماأخذ مني الا ميه دولار علي يوم فقط ومشوار الفندق 30 دولار وما قدر يقنعني بالجلوس في اسطنبول او برنامج على كيفه يالاوا وبورصة قريبه ولله الحمد ما يحتاج احد يدلك رحت لها كلها ودبرت نفسي بدونهم وان شاء الله راح اكتب عن رحلتي بالتفصيل وألأسعار والمطاعم والحدائق والفنادق.
ذهبت اشوف الأسعار في المكاتب الاخرى كلهم يعطونك برنامج سهل لهم يعني اسطنبول ثم يالاوا وبركبون سيارتهم بالعباره ومن ثم بورصه وياخذ منك مبالغ خياليه انا رحت للبرنامج حقهم بأسعار اقل وبالعكس تثق بنفسك أكثر لما انت تعمل كل شي وسهله مره بدونهم لا يصعبون عليك المساله عشان ينشب فيك!!
اهم شي اي واحد يتكلم عربي مكتب سياحة ونصب ابعدوا عنهم وانتم بخير
اعرف الأماكن وجهزها قبل وقل للتكاسي ابي هذا المكان ويكون مكتوب احسن وبالعداد توفر كثير
اعتمد على الله وتوكل عليه.