- المطار كان زحمة جدا
- الموقف الثاني :
السلام عليكم ورحمة الله وبركاته انا توني جاي من تركيا وحبيت اقول بعض الملاحظات والنصائح خصوصا للي ناوي يسافر هالصيفيه
- رحلتي كانت لمدة 15 يوم من تاريخ 16-6-1434 الى 30-6-1434ه
- المسافرون انا وزوجتي وطفلين 5 سنوات وسنه ونص
- سافرت عبر الخطوط السعوديه تكلفة التذكره 4440 ريال
- صرفت العمله من الصرافين اللي بالبطحاء وحسب لي الليره التركيه تساوي 2.11 ريال
- وصلنا للمطار اتاتورك في تركيا ويطلبون على السعوديين فيزا مقدارها 20 دولار للجواز
- وهنا نقطه مهمه يا اخوان مكتب الفيز مايقبل الا الدولار او اليورو ولا يقبل الليرة التركيه او اي عمله اخرى
المطار كان زحمة جدا
- سكنت اول الايام في منطقة السلطان احمد جدا ممتازه
- وهنا تجد الكثير ممن يروجون للرحلات سياحية في مضيق البسفور لمدة ساعتين بسعر 35 لليره للشخص وتدبست فيها
- وبعد كم يوم رحت لميناء امنيون وميناء كبطاج ووجدت نفس هذه الرحلات ب 6 ليرات للشخص
ميناء امنيون قريب جدا من منطقة السلطان احمد
- خلال تواجدي هناك حصلي موقفين مع التكاسي حبيت اقوله لكم وتاخذون حذركم من التكاسي
الموقف الاول :اخر 7 ايام من رحلتي سكنت في منطقة تقسيم وعادة قبل ما اروح لاي مشوار اسأل الفندق عن تكلفة الذهاب مع التكسي من الفندق الى المكان المراد الذهاب اليه.
اردت الذهاب من تقسيم الى ميني تركيا وهذي الحديقه اللي فيها مجسمات لأبرز معالم تركيا سألت الفندق قالي التكلفة من 20 الى 30 ليره
اتفقت مع التكسي ب 25 ليره لما وصلت للحديقه عطيت راعي التكسي 50 ليره علشان يرجع الباقي انا نشغلت انزل الاطفال ورجعت اخذ الباقي الا راعي التكسي مطلع لي 5 ليرات وكان زعلان ويهاوش قلت له: وش فيك . قال: اتفقنى 25 ليره وانت عطيتني 5 ليرات قلت له: انا عطيتك 50 ليره وانا متأكد قال ابدا غير صحيح وقعد يحلف ويهاوش انا اخذتها من باب حسن النيه وقلت يمكن انا غلطان وفعلا عطيته 5 ليرات لكن تدري وشلون هذا 20 ليره ولا حول ولا قوة الا بالله ، انا متأكد اني عطيته 50 ليره لكن اول مره تصير ويمكني غلطان وانتهت السالفه.
بعد كذا كنت حريص قبل لا اركب تكسي يكون معي فراطه وتنقلت بعد هذه الحادثه بكذا تكسي بدون حدوث مشاكل ولكن بعدها بيوم حصل الاتي....
الموقف الثاني :
اخذت تكسي من تقسيم الى مول جواهر وهو من افخم واجمل المولات في اسطنبول ب 30 ليره وقضينا بالسوق ولا عاد معي فلوس فسحبت من الصراف 400 ليره عباره عن اربع اوراق 100 ركبت تكسي واتفقت انا وياه من المول الى تقسيم ب 30 ليره وتوكلنا على الله راعي التكسي كان طيب جدا شايب وحليل وحبيب وصلنا للفندق عطيته 100 ليره ما معي فراطه شوي الرجال تغيرت نبرة صوته وبدا يهاوش ويقول عطني الباقي قلت اي باقي قال انت عطيتني 20 ليره قلت ايواه المره الاولى ومشها علينا خويك بس المره هذي مستحيل تعدي علطول قلت له انت نصاب مشينا للبوليس وبعدها قام يتمسكن وانا مسكين و ما اشوف زين يمكني لخبطت بالعملات ومن هالتصريف قلت رجع الباقي ولا يكثر قال مسكين قال.
فالحذر الحذر يا أخوان من النصابين .
بعدها اخذت موقف من التكاسي وصرت اتعامل مع المترو اخر الايام وتندمت اني ماستخدمت المترو من الاول لعدة اسباب : اسهل واسرع وارخص وومتع واكثر امان.
واي استفسارت انا حاضر
