يسعد مساكم
في البدايه كنت بسافر وابغى استأجر سياره وقالي واحد
من الزملاء فيه شركة ترافيل جيغسو اسعارها رخيصه مره
والله ودخلت موقعهم وكانت الاسعار مره رخيصه والكلام
هذا بتاريخ 11 مايو ولقيت ارقام اتصال مجاني لهم وطبعا
موقعهم قي بريطانيا (مانشستر )
واتصلت عليهم وردت على موظفه لبنانيه اسمها جينا
وتم الاتفاق على السياره وكان سعرها مغري وبعدين
قالتلي عطني رقم بطاقتك الفيزا
وترددت وقالتلي ترى يمكن العرض بكره يتغير.
المهم اعطيتها الارقام وتم خصم المبلغ المتفق عليه
وبعد 5 دقايق جتني رساله على الجوال بخصم مبلغ 2 يورو
قلت يمكن رسوم مشيها .
بعد 5 دقايق جتني رساله بخصم 2 يورو
بعد ربع ساعه جتني رساله بخصم 600 يورو
وهنا اتصلت على البنك واثناء اتصالي معهم وردني اتصال
ورديت عليه وكان من نفس البنك وقالي ترى قفلت بطاقتك
وبعد 600 يورو تمت عمليه سحب بمبلغ 1000 يورو
وشرحلي الموظف انو هذي عمليات سرقه تتم عن طريق
الانترنت . وتم الاعتراض على المبالغ ورجعت لحسابي قبل
سفري بيوم . وطبعا استاجرت من شركة هيرتز
ويوم جيت في مطار زيورخ قالولي ترى غيرنا السياره لك
ووالله ولقيتهم معطيني جيب نيسان وسط شكله روعه
وبنفس السعر وما اخذو تامين الا 203 فرنك فقط
وسلمت السياره في مطار جنيف ورجعلي مبلغ التامين بعد
يوم وكانت من افضل سفراتي ..
واشكر جميع الاعضاء وعلى رأسهم ابوعزيز
لاني استفدت منهم الكثير ولكم ودي واحترامي