السلام عليكم ورحمة الله وبركاته
حاولت البحث عن اسم الموقع في بوابة مصر بس مالقيت اي مواضيع، إن شاء الله ما اكون جيت نشرت موضوع تمت الإجابة عليه من قبل.
إن شاء الله تعالى رايح الإسكندرية الإسبوع الجاي ، احترنا في الفنادق ثمن رسينا على هيلتون قرين بلازا، سعر الغرفه ( توين) من موقع هيلتون العالمي 160 ومن asianrooms.com أقل يصير 100 دولار فقط.
الفرق كبير بس المشكلة ما ادري احد قد جربه على فنادق مصر ؟ فيه كثير جربوه لفنادق في دول ثانية بس مصر مالقيت، ياليت اذا احد جربه اكون شاكر لو يعطيني رأيه في اسرع وقت لأنهم يبون 5 ايام على الاقل وانا شاكر ومقدر . وياليت شورتكم في الفندق هل هو مناسب ام لا.
إذا فيه احد قد سكنه ياليت لو يقول السعر والوقت من السنه ( عشان السعر يختلف ) بالإضافة لرأيه في الفندق نفسه.
أنا اللي في بالي بالخصوص مسألة السعر المتغير للأجنبي والخليجي بس مشيت في الموقع لصفحة الدفع ومافيه اي ذكر للأمور هذي ولا فيه ذكر للأمر هذا ايضاً في موقع الهيلتون بس 60 دولار مبلغ كبير اذا هو فرق. يعني ما ابي اوصل هناك ويقولون لي اشياء مثل ( لازم تدفع كذا زياده ، او السعر هذا لوقت ثاني من السنه ... الخ ) والسعر بيكون اكثر في الغالب من سعر موقع الهيلتون عشان بدون حجز ولا شي ... ولا ( التأكيديه ) الموقع يرسل رسالة بالجوال + ايميل للتأكيد.
طبعاً الفنادق اللي هناك : شيراتون الجزيره ، فلسطين هلنان، سوفوتيل وحوالي 10 فنادق ثانية
بحاول اليوم امر الصرح ولا الطيار واشوف اسعاره بعد كيف واذا شفت فرق كبير مرة بعطيكم خبر.
شاكر ومقدر أي تفاعل مع الموضوع.