الحجز الغير مسترد فندق الويتسن وفارسر بالاس مساعدة ياطيبين

بــوح الغــلا

18-09-2022 - 12:52 am

السلام عليكم
حجزت وشكل فلوسي راحت
انا حجزت في الويتسن لنكاوي عن طريق اقودا غير مسترد
وفي فندق فارسر بالاس كوالا عن طريق بوكينق
طبعا في غمضة عين تم سحب الفلوس من الفيزا
ولكن ماجاتني رسالة بالبريد انه تم خصم المبلغ
بس جاني فاوتشر الفندق اللي زيه زي اي حجز مجاني
سؤالي للحلوين
هل الموقع يرسل بالعاده ايميل يفيد انه استلم الدراهم والا بس يرسل الفوتشر ؟؟؟؟
علما بأن رحلتي الى ماليزيا عن طريق القطريه
1 اكتوبر
والعوده 15 اكتوبر يوم العيد الساعه تسعه الصباح يعني يمدينا نذبح الضحيه وناكل كبده
شكرا للجميع الجميلين وان شاء الله ننزل تقرير كامل عند العوده

فنادق ماليزيا

التعليقات (9)

وافي بزمن جافي

18-09-2022 - 04:00 am

حياك الله يالأمير
طالما أرسلوا لك ( الفاوتشر ) ... حجزك صحيح بأذن الله
والخصم يكون عن طريق رسالة جوال أو عن طريق التشييك على حسابك في البنك
أما ( الأضحية ) بأذن الله تلحق عليها ... لأن رحلتك ( 9 ص ) بتوقيت ماليزيا ...
يكون في السعودية ( 4 ص ) ... وأحسب ثمان ساعات طيران
يعني بأذن الله ( 12 الظهر ) أنت واصل هنا ... وبالعافية عليك أحلى غداء

بــوح الغــلا

18-09-2022 - 05:01 am

هلا هلا بالوافي
احسن واحد في البوابه الله يرزقك الجنه
ايه هم خصموا وجتني رساله في الحال بالنسبة للويستن غالين وطماعين
اما الفارسر اليوم الثاني
بالنسبة للعودة الساعه تسعه صباحا سأكون بالرياض باذن الله لاني بقلع اخر الليل
شرايك في الفنادق طال عمرك
صنواي لاقون 2 ليله
اكوارتيال 2 ليله
هوليدي ان بينانق 2 ليله
الشيخ الويستن 4 ليالي
فارسر بالس 4 ليالي كوالا
زينات ؟
الاكورتيال ذا ماش مهوب داخلن مخيخي ودي اغيره وش رايك ؟
تؤبرني هالطله بن عمي

وافي بزمن جافي

18-09-2022 - 06:02 am

حياك الله ياغلانا ... تسلم على طيبك والله
بأذن الله وصولك ( حلو ) ... وتلحق الكبدة والفطور بأذن الله
أما الفنادق روعة ... وأنصحك فقط تغير فندقين :

في الكاميرون ألغي ( أكواتريال ) وأحجز الدي لافرانس
في كوالا ( الفريزبالاس ) حلو ومميز لكن موقعه بعيد شوي ... أختار ( رويال شولان ) أفضل

بــوح الغــلا

18-09-2022 - 07:03 am

سم
الغيت حجزي في اكواتريال وحجزت في لا دفرانس الغاء مجاني من اقوادا بس على طول خصم المبلغ ؟؟؟
الموقع:تاناه راتا, مرتفعات الكاميرون
تسجيل الوصول:الخميس 03 أكتوبر, 2013تسجيل الخروج:السبت 05 أكتوبر, 2013إقامة:2 ليالي, 1 غرفة, العدد الأقصى للبالغين: 3غرفة ديلوكس ثلاثية (Deluxe Triple (3 Persons)) (لليلة الواحدة)
SAR 356.22(2 ليالي بسعرSAR 712.44)شامل الإفطارإلغاء الحجز مجاني!
جتني رساله من سامبا ؟؟؟

وافي بزمن جافي

18-09-2022 - 08:04 am

هلا يالغالي ...
طبعا سياسة ( أقودا ) ... يخصمون المبلغ حتى لو كان الحجز مجاني مسترد
طبعا إذا ألغيت الحجز في الفترة المحددة ... يردون المبلغ للحساب بعد عشرة أيام أو أسبوعين
لاتشيل هم ... أمورك في السليم ياقلبو

بــوح الغــلا

18-09-2022 - 09:05 am

شكرا جزيلاا وافي حبيب القلب

وافي بزمن جافي

18-09-2022 - 10:06 am

العفو ياغالينا ... دمت بود ياقلبو

بــوح الغــلا

18-09-2022 - 11:07 am

هلا وافي حبيب القلب
ترا منيب منززلن كل شوي موضوع اذا جاء في بالي سؤال بطرحه فيذا وانت والاخوة ماتقصرون
الحين انا بسكن في ويستن لنكاوي بس وشلون اجيب تاكسي ؟ كيف اتفق معه من الاساس
لان اذا خذيت تاكسي المطار ودخلني الفندق من بكره مابيجيني تاكسي وانت عارف الويستن دولة لحاله ؟
وش اسوي في هذي الحاله ؟

وافي بزمن جافي

18-09-2022 - 12:08 pm

هلا بالغالي ...
التكاسي في ماليزيا ( أكثر من السياح ) لاتشيل هم ... وأمام كل فندق عشرات التكاسي
تقدر تتفق مع أي تاكسي قدام الفندق ... أو تتفق مع التاكسي اللي يوصلك الفندق ( يجيك ) على بكرة
موضوع التكاسي لاتشيل همه أبد ... تتعب من كثرتهم هناك

كوالالمبور المسافرون العرب

الحجز الغير مسترد فندق الويتسن وفارسر بالاس مساعدة ياطيبين