1. المهم بعد ماريحنا شوي ،، اتفقنا ان نروح لقصر هلبرون ...


2. هذي سيارتنا الحلوه ...

بعد ماتكلمت عن الجزء الالماني في منتدى السفر الى المانيا ، راح اتكلم هنا عن الجزء النمساوي..
اليوم الثاني:
صحينا الصباح مبكر ،، وفطرنا بالفندق ،، كان الفطور بسيط جدا ،، كورن فليكس وحليب وبيض مسلوق وخضار مقطعه واجبان ...
بعدها رحنا لمكتب تاجير السيارات سيكست ،، كان قريب تقريبا للفندق ،، مشي خمس دقايق ..
قدمنا الاوراق وهي : الرخصه السعوديه ،، المبلغ المطلوب كاش ،، والتامين بالفيزا وكان نفس قيمة الايجار ..
طبعا كان في مشكلة في الفيزا حقت زوجي والحمدلله كانت فيزتي موجوده فاعطيناهم اياها وقبلوها ..
عطونا المفاتيح ورحنا للمبنى اللي فيه السياره ،، طبعا في البداية موضوع السواقه صعب جدا وحتى طريقة تشغيل السياره ،، لكن الحمدلله كان في واحد جنبنا علمنا طريقة تشغيل السياره ..
بعدها توجهنا للفندق وسوينا تشيك اوت ،، وتوكلنا على الله واستعنا بالجارمن لتحديد مكان المنطقة التالية وهي سالزبورغ في النمسا..
بصراحه الطريق رائع ،، انبهرنا بجمال طبيعتهم الخلاب ،، سبحان الله كل مكان يبهرنا اكثر من الثاني ،، استمرينا تقريبا ساعه ونص الى ساعتين ماذكر بالضبط لكن ماحسينا بالطريق من جمال الطبيعه الخلاب ..
وصلنا الفندق تقريبا الظهر ،، ونزلنا الاغراض وودينا السياره كراج الفندق طبعا بمقابل 20 يورو ..
سوينا تشيك ان ،، ودخلنا الغرفه عشان نرتاح ،، بصراحه الفندق رائع جدا ،، وكلمة رائع قليل عليه ،، خدمات ونظافه ومستوى وحسن تعامل رائع ،، انصح فيه وبقوة..

المهم بعد ماريحنا شوي ،، اتفقنا ان نروح لقصر هلبرون ...

اخذنا السياره من الكراج وجهزنا الجارمن ومشينا ،، تقريبا نص ساعه او اقل واحنا واصلين ،، وقفنا السياره في المواقف واللي كانت تقريبا بيورو لكل ساعه ،، وقصينا تذاكر الدخول اللي كانت تقريبا 18 يورو لشخصين ودخلنا القصر ..
بصراحه الحديقة كانت جميلة جدا ،، انبهرنا بالوان الاشجار وبجمال القصر ،، طبعا القصر مشهور بالنوافير اللي تطلع بكل مكان فجأه بدون ماتحس ،، بس كان شي مضحك ..
وكان في واحد يشرح باللغه الالمانية والانجليزية ،، وكل شوي مخرعنا بضغطة زر وتطلع النافورة بوجهنا ،، وعاد اللي تبلل واللي سلم منها ..
بعد ماخلص شر هذره ،، تمشينا بحديقة القصر الكبيرة ،، قمة الروقان صراحه والجو كان مغيم ،، جلسنا مايقارب الساعتين وبعدها حسينا بالجوع وقررنا نطلع لاقرب ماكدونالدز ، اخذنا وجبة وايس كريم ..

هذي سيارتنا الحلوه ...

بعدها رجعنا للفندق وتركنا السياره بالكراج ومشينا لسوقهم اللي كان قريب ،، تقريبا مسافة ثمان دقايق ،، المهم ان السوق كان حلو لكن سمعنا انه يسكر الساعه سبعه بالليل ،، فقلنا خلينا نلحق السوبرماركت حقهم ناخذ ماي وعصاير وسناك ،، تقريبا 20 يورو ،، حتى الكيسه بفلوس الله يعز بلدنا الاكياس مرميه بكل مكان..
رجعنا الفندق وبصراحه غطينا في نوم عميق من التعب..
،،،،،،
مصاريف اليوم الثاني :
6يورو دخول الحديقه لشخصين + مواقف 2 يورو+ 12 يورو وجبة لشخصين + 4 يورو ايس كريم + 20 يورو سناك + 20 يورو مواقف الكراج في الفندق = 74 يورو