بساطة عزيزي
الصرف لا يهمك
إسحب من البطاقة مباشرة وريح دماغك
خلي معاك كاش بسيط ( سعودي ) حق الضرورة فقط
لو حاب
ممكن تصرف 1000 ليرة من السعودية
في النهاية خيار شخصي لك طبعا
ثانيا
الجدول حوسة
عندك 11 ليلة
يمكنك تقسمها بشكل أفضل
إطلع يلوا مباشرة وريح في فندق yalova hotel جديد ورائع وكتبت عنه تقرير
وبعدها بورصة 3 ليال في أي فندق يناسب ميزانيتك
وبعدها سبانجا في فلل well done buckit
طبعا تحتاج سيارة
أما المسار والخطة
فهي هنا
https://artravelers.com/p/re/557868
البرنامج أعلاه يحتاج فقط سيارة ، ومعها راح تتمنى لو طولت المدة بعد
تستلمها من المطار ، تخلص رحلتك خارج أسطنبول
وتسلمها في إسطنبول
وبرامج الملاحة في الجوال تفي بالغرض مع إنه الطرق أصلا واضحة
إسطنبول
مافي مشكلة بالسكن
عطني تواريخك وعدد الأفراد بالظبط
وراح أشوف لك خيارات طيبة
موفق

اعتذر عن التاخر بالرد
شفت تقريرك البطل
كانت السيارة خيار عندما نويت اروح الشمال التركي..
الحين ماكانت ببالي نهائيا و انت فتحت لي مشاريع
لكن تعوذت من الشيطان وقلت ياولد خلك ع النقل العام والباص خصوصا انه اضافة للمدام وبنتي
معاي اخت واحدة ع الاقل واخاف اتفشل قدامهم
الحين ايش افضل تقسيم وطريقة للفترة اللي باروحها ؟؟
عشان تتظمن سابنجا ويالوا وبورصا واسطنبول
الوصول بيكون 10:30 يوم 30 مارس
والعودة بتكون يوم 10 ابريل لكن بعد منتصف الليل
يعني تسليم الفندق بيكون يوم 9 الظهر
الاشخاص3 او 4 بالغين وطفل 4 سنوات

حياك
إذا على التركية ومن القصيم
فهي نفس رحلاتي السابقة ، آخر يوم تطلع الظهر لإن طيارتك بالليل
أو تتفق مع الفندق يحسب لك نصف يوم ،
شخصيا ، لي علاقة مع صاحب الفندق وهو متسامح جدا بهذا الخصوص
والحمد لله
نرجع يا عزيزي
لا تفكر بغير السيارة
صدقني أفضل لك بجميع المقاييس
أوفر لك
وأكثر خصوصية
والطرق خارج إسطنبول واضحة
والملاحة عن طريق الجوال كافية جدا وبحر بعد
الخطة
1 المطار ومن ضمنه محطة يني كابي اللي تنقلك انت وسيارتك ليلوا
2 يلوا ، ترتاح فيها في الفندق الجديد وتتمشى وتتعشى في مطاعمها على البحر أول ليلة وممكن كمان لو معاك وقت تطلع الشلالات وتشتري عسل من هناك
3 بورصة ، طريقها واضح سريع ، هاي واي ، واللوحات في كل مكان وفي حدود الساعة تقريبا ( إلتزم بالسرعة فقط خصوصا في الطرق السريعة )
ريح فيها ليلتنين
وبعدها أرجع بنفس طريقك حق يلوا عشان تروح سبانجا وهي بطريق إزميت
يعني إذا وصلت يلوا
مرا راح تشوف لوحات سبانجا بل لوحات أزميت
إتجه لها وإذا خلتها راح تحصل لوحات سبانجا
الحجز طبعا ، من المطار للمطار
طبعا مو حقيقي
إنت إكتب من المطار يوم وصولك
إلى المطار ( يوم أول دخول للفندق في إسطنبول )
يعني 5 أو 6 أيام
وطبعا لما توصل الفندق
خلي الفندق يتصل على الشركة
ويقول لهم هل مجال إسلمها في الفندق
والغالب نعم برسوم تقل عن 100 ريال
بس الميزة
إن عفشك معاك ولا تنزله إلا في الفندق حق إسطنبول
يعني تخيل السيناريو
أغراضك وعفشك ومشترواتك معاك
من المطار لين توصل فندق إسطنبول اللي ما راح تغيره أصلا
وسلامة قلبك
للحديث بقية بعد أن أفرغ من بعض شأني

اسف ع التاخر بالرد ضيعت الباسوور كالعادة
كل مانحفظ يوزر نظيع الثاني
طبعا اقدم يوزر من 2008 بالمنتدى مات ومافيه امل لانعاشه
موضوع السيارة اجتهدت فيه وراسلت الشركات واتصلت فيهمبدجت وهيرتز وغيرها... لكن في النهاية استخرت ثم كنسلت وقلت في السفرة الجاية ان شا الله
مالك بالطويلة وانا اخوك ولايهونو بقية الاعضاء
الحين نسبيا انتهيت من الجدول السياحي وباقي تكتين ع الفنادق والمزارات وارجو التوجية والنصح
0مارس الى 2 ابريل
السلطان احمد باسطنبول وزيارة الاماكن القريبة له
2 ابريل الى 5 ابريل
بورصة عن طريق ميناء ياني كابي
5 ابريل الى 6 ابريل
يلوا تيرمال يوم واحد هل يكفي او يومين افضل
6 ابريل العودة الى اسطنبول لغاية 9 ابريل
بتقسيم واكمال بقية المناطق اللي اقرب لتقسيم
بالنسبة لبورصة ايش الفنادق اللي مطلة ع لونا بارك غير شاليك بالاس؟
وهامبتون هيلتون هل هو قريب لوسط البلد ولونا بارك ام هو في منطقة هادئة؟
الحجز ع العبارة لقيت نوعين للتذاكر
البرومو الغير مسترد ب 27 والعادي ب 75 !!
هل فيه فرق بينهم غير الاسترجاع والتعديل؟
اما لتقسيم والسلطان احمد بحكم اني تعبت من كثر ما انا محتار بينهم فقلت اقسم الفترة
بس الحين محتار بايهم ابداء
السلطان واختم بتقسيم ام ابداء بتقسيم وانتهي بالسلطان
البداية يومين او ثلاثة والنهاية 4 ايام ع الاقل

نقطة
فعلاً الاسعار وهمية يمكن قبل الرحلة بشهر ونص
ترجع الاسعار الى السعر المعتاد كما هو عليه ..
فنادق تركيا غير شكل عن بعض الدول من حيث سياسة الاسعار
طبعاً عن تجربة وانت حاول تلقي نظرة كل ماتذكرت يمكن تنزل الاسعار

آسف جدا
ما راح أساعدك
بدون السيارة لا تكلمني
مع السيارة رحلتك راح تختلف 180 درجة
الأسعار
والحرية في إتخاذ القرار
كل شيء صدقني
الامور سهلة
راجع نفسك
وشوف المواضيع والإسفسارات اللي عطيتك وخبرني

ماجد الفهد
تم تنزيل ساجيك وجاري التدرب عليه
0مارس
الوصول للمطار 10:30 ثم الي يني كابي مباشرة ليلوا عن طريق العبارة بسيارة مستائجرة

وهذا السعر الموجود بالموقع للذهاب
الوصول الساعة 17:00 ابيت فيها ليلتين بترمال
زيارة اقرب المناطق لها
ثم الذهاب لبورصة واقعد فيها 3 ليالي (ابريل 1-2-3)
اتجه بعد ذلك لسبانجا ابيت فيها ليلة (4 ابريل)
طبعا سبانجا مافيها الا البحيرة وكارتبة هذي اشوف اولداق يكفي ومايحتاج ازورها
العودة بعد ذلك لاسطنبول عن طريق ميناء يلوا مرة اخرى
اسطنبول ( ابريل 5-10) الفنادق مؤشرها مرتفع بقوة مدري ليش
مع انه ابريل يقال انه شهر هدوء سياحي ومافيه زحمة !!!
طبعا لا رجوع بالنسبة لموضوع السيارة خلاص تموالفنادق مبدئيا عندي كم فندق لكن راح اتابع ردودك على الاستفسارات المشابهة بالمنتدى نعم لزقة
والله يوفق الجميع

ههه
الله يسعد قلبك
هيك الحكي ولا بلاش
بخصوص الفنادق
تفضل
https://artravelers.com