- يلا دفّوا حالكم منيح وتقّلوا تيابكم لأنّه التّلج صار عا بوابكم...
- :36_1_26:
:smile002:إليك أيّها الأسمر،،، مع حبّي وأشواقي،،،
:36_3_15::282::282::282::282:عا لبنان لاقونا
اشتقنا وطالت غيبتنا
كلّ الأحباب سبقونا
ليش بقينا بغربتنا
:282::282:وعا فاريا والزّعرور لاقونا
اشتقنا وطالت غيبتنا
كلّ عشّاق الثّلج سبقونا
ليش بقينا ببيوتنا
:282::282:مساء الخير أعضاء منتدانا الغالي عامّة
:282:ومساء بياض ثلجنا النّاصع أعضاء بوّابة لبنان الحبيب خاصّة
:282:ومساء فاريا والزّعرور زوّار تقريري الكرام
:282:متل كلّ سنة زرت التّلج ورجعت بصور أهداني ياها وحمّلني أمانة إنّي أعرضها عليكم لأنّه بيعرف أدّيه بتحبّوا وبتنطروا من السّنة للسّنة خاصّة عشّاقو من أهل الخليج...
وأنا حملت الأمانة عن طيب خاطر وجيت فرّح عيونكم متل ما عيوني فرحت وانبهرت بلوحات ربّانيّة طبيعيّة عا مدّ النّظر...
جلست بأحضان التّلج والكتار منكم ما ظبطت معهم ليفترشوا هالأبيض ويلتحفوا السّما... وأنا ما بهون عليّ تبقى هالزّيارة حسرة بقلوبكم لهيك حملتلكم فاريا بتلوجها والزّعرور ببردها وثلجها وأمطارها وغطيطتها لعندكم وعا قول المتل:
"لي ما بيجي لعندك روح أنت لعنده".
يلا دفّوا حالكم منيح وتقّلوا تيابكم لأنّه التّلج صار عا بوابكم...
:36_1_26:
محطّتنا الأولى كانت فاريا متل ما تعوّدنا الأسمر وأنا، وغلطتنا كانت إنّا انطلقنا يوم الأحد :36_1_10: والمفاجأة عجأة ما بتتصدّق؛ النّاس زاحفة من القريب والبعيد، تقول جيش نمل هاجم عا مرطبان عسل نسيه الطّيّوب مفتوح بعد ما أكل منه الصّبح :36_11_15:
اطلّعت شمال وكمان يمين فشفت السّيّارات بتحاول تحشر حالها عا الخطّ المستقيم لتلاقي مطرح توقف فيه :36_7_14:
والأطفال يا عيني عليهم نحل وطار بره الخليّة وبلّش يجمع الرّحيق ولا عنده لحظة يحكّ فيها راسه من شدّة انشغاله :bounce8:
ما أطيبهم وهم بيتراشقوا بكرات التّلج ويركضوا وبيسقطوا عالأرض بس ولا فارقة معهم، المهمّ يلعبوا ويسرحوا ويمرحوا بمساحات مفتوحة منها محدّدة ولا مسيّجة... تقول مساجين وفتحولهم باب الحبس وقالولهم انطلقوا...
:36_7_13:شو بحبّ عفويتهم وبحسدهم عليها شغلهم الشّاغل اللّعب والضّحك ولا عبالهم هموم الدّنيا ومتطلّباتها...
لمّا شفت الزّحمة الخانقة هيدي حسّيت بالخيبة لأنّي كنت محتاجة مساحة من الهدوء والسّكون حتّى أقضي وقتي بالتّأمّل والتّفكير ورسم الخيالات والصّور :36_13_3:
لهيك قرّرت إنّي قوم بجولة سريعة يسرح فيها نظري ويمتدّ لبعيد من دون ما يصطدم لا بحيط بناية ولا بحيط غرفة... وكزدرت شوي تحت الشّمس الحارقة :36_1_47: لي كانت بتتحدّى التّلج القارس...
غريبة الشّمس شو عينها ضيقة ما بطيق لا الضّيف (التّلج) ولا زوّادته (الصّقيع) مع إّنه المسكين يدوب بيبقى شهرين أو تلاتة وبيفلّ، بس هي طول عمرها هيك مش مضيافة، وبيني وبينكم بحسّ إنّها حسودة وبتغار
وطبعًا ومتل العادة كاميرتي الوفيّة كانت مرافقتني برحلتي هيدي :36_3_1: وأنا بتأمّل -ومخيّلتي ما شاء الله عليها شو خصبة- صارت كاميرتي تنطّ بجيبتي بدها تطلع، بدها تتنفّس وتمارس هوايتها لي هي التّصوير :ranting2: فطلّعتها وصارت الشّاطرة تصوّر لوحات بيضا وتحتفظ فيها بذاكرتها وكلّ ما تاخد صورة تقلّي: "أكيد رح يحبّها أعضاء المنتدى"...
فجأة بحسّ ببرد شديد أتاري الأسمر رشقني بكرة تلج عن سابق تصميم وتصوّر فقلت القصّة ما بدها لا تأمّل ولا تخيّل، القصّة بدها دفاع عن النّفس "فالعين بالعين والسّنّ بالسّنّ والبادي أظلم" :36_1_30:
ضبّيت كاميرتي ببيتها لإحميها من الضّربات ودخلت ساحة القتال بكامل أسلحتي البيضا لي بسرعة البرق كنت بصنعها؛ كرات تلجيّة مدوّرة مختلفة الأحجام وبصوّبها وبخطىء التّصويب لأنّه ما لي قلب أضربه بالتّلج بس بضربه بالورد :smile105:
وهيك لقيت حالي تمامًا متل الأطفال لي وقفت تحت أتفرّج عليهم وكلّي حنين لبرائتهم، لقيت حالي بلعب متلهم وأكتر وبركض هون وهناك وبغنّي :36_3_2: وبحضن التّلج وبغمّس إيديّ فيه وصدى ضحكاتي بترنّ بالفضا الرّحب :36_11_6: كأنّها تسبيح شكر للخالق عزّ وجلّ على نعمة الطّبيعة والفصول الأربعة :suprise:
وبعد شي ساعة قرّرنا نهرب من العجأة ونرجع بغير يوم بنصّ الأسبوع بيكون الضّغط أخفّ والهدوء أكتر.
وصلنا عالسّيّارة بس كيف نفتحها والمفتاح اختفى :36_11_13:وين مفتاح السّيّارة يا ناس مين شاف مفتاح تايه من أهله يا جماعة الخير كيف بدنا نرجع وشو بدنا نعمل
بس الأسمر دايمًا عنده الحلّ وما تركنا نخاف ولا نحزن ولا نتوتّر :1279: لأنّه متل الصّاروخ انطلق لفوق وبلّش يفتّش لحد ما لقى المفتاح بيحفر بالتّلج لي ما اتحمّل وجوده وداب تحته :222:
"المفتاح... لأيتو..." سمعنا صراخه من بعيد وأنا بصراحة كنت برجف من التّوتّر بفكّر: كلّنا كيف بدنا نرجع! بس لما سمعت هتاف الأسمر ألبي رقص من الفرح وكلّنا رفعنالوا علامة النّصر :8888: "فعلاً ما يجيبها إلاّ رجالها"
طوّلت عليكم أحبابي بس حبّيت أنقل لكم الصّورة بوضوح حتّى تشتغل مخيّلاتكم أنتو كمان وتحسّوا وكأنّكم كنتو معنا لحظة بلحظة...
وبترككم هلأ مع التّقرير ببعض ما حفظته كاميرتي براسها، وأتمنّى يعجبكم وأسمع تعليقاتكم وتخيّلاتكم عا الصّورة لي رح تسحر نظركم وتبهركم إن شاء الله
:36_13_1:بشوفكم بكرا مع خضار الزّعرور وبياضو.
تصحبوا على خير
تحيّاتي
بجد كأني معكم في الثلج ..