رحلتي الى النمسا في29/6/2012 وأريد ان اقضي فيها 6 ليالي اليوم حجزت ليلتين في فيينا (هيلتون بلازا ) ايش رايكم فيه وهل يوجد فنادق للمسلمين
فين اروح بعد كذا سالزبورغ والازيلامسي وهل اقدر اسكن في سالزبورغ وازور زيلامسي وارجع في نفس اليوم والا بعيدة عن بعض (كم المسافة بينهم) وآخر سؤالين : ايش احلى فنادق عندهم وهل التنقلات سهلة بالقطار النمساوي (الاندر قراوند) ارجووكم ساعدوني لأني ماني عارف شي في هذه الدولة

اولاً
بعد وصولك للمطار تلاقي مكاتب للتاكسي تعطيهم اسم الفندق وبعدها يقصون لك الفاتوره يعني امرها سهل .
بالنسبه للتنقل ارى ان المشي والتاكسي جيد جدا خصوصاً ان فندق الهيلون قريب من الشتاد بارك وقريب من الاسواق والاماكن السياحيه.
الفندق ممتاز وموقع ايضاً
طبعاً تروح لسالزبورغ تجلس فيها يومين ثلاث وبعدها تتوجه لزيلامسي وكابرون.. زيلامسي وكابرون افضل بكثير من سالزبورغ والمسافه بينه قرابة 120 كيلو..
وبالنسبه للفنادق في فينا فيه الانتر والماروت وفي سالزبورغ ساخر وراديسون بلو(سبق لي تجربته جيد جداً) ولو سافرت راح اسكن فيه وعندك رمادا وكراون بلازا وفي زيلامسي شوف القراند وسي هوف وسي فيلا وارى والرأي لك ان تسكن بكابرون افضل في الريف وفي المرتفعات اصلا المسافه بين كابرون وزيلامسي قرابة 7 كيلو .. واي استفسار انا حاظر

الامور سهله اخوي
ومصروفك اليومي لشخصين ممتاز
اقرا تقارير الاعضاء بتمعن ومخمخ عليها وبتلقي الوضع شبه واضح لك
اول ما توصل تاكسي وللفندق على طول والتنقل في فينا بالاندر قراوند وبتلقي خريطته هنا بالعربي من عمل الشباب هنا جزاهم الله خير
وتنتقل لسالزبورج بالقطار ومنها لزيلامسي بالقطار ايضا الا اذا تبي تستاجر سياره افضل لك

وسم
انا راح اقضي ثلاث ايام في فينا احسن استأجر السيارة وانا رايحة على سالزبورغ.. ولا من اول يوم في فيننا ؟ وكيف القيادة في المدن زي ميونخ وفينا

تاكسي من المطار للفندق
السعر من 30 الى 35 يورو
التنقل بفيينا
الانرقراوند أفضل بكثير والتذاكر رخيصه
تذكرة ثلاث ايام 15 يورو تقريبا للشخص الواحد
اطلع بالقطار من فيينا الى سالزبورغ التذكره بحدود 40 يورو للشخص
استأجر السياره من قريه المانيه فريلاسينغ الألمانيه بجانب سالزبورغ وتبعد عنها 7 كيلو
على فكره لايوجد حدود بين النمسا والمانيا ولاجوازات ولاجمارك
تحس انك طلعت من قريه الى قريه بنفس الدوله !!!!
سلم السياره في ميونخ الالمانيه
انا ماأعرف كيف جدولك لأنك للأسف لم تذكره
ولكن اذا كان هكذا اخر محطه ميونخ فالأفضل أستئجار السياره من فريلاسينج الالمانيه

وليد الرس
هل ممكن تسليم السيارة في مطار فيينا ؟