ما في مشكلة عزيزي ... اذا كنت ساكن في لوس انجلوس ابعد مكان راح توصله منطقة ارفاين فالجنوب .. (بغض النظر عن سان دييغو)
مع اني معارض التسمية (شمال لوس انجلوس و جنوبها) لان لوس انجلوس الها كاونتي خاص فيها ز تقريباُ لونج بيتش اخر مقاطعة من مقاطعات لوس انجلوس .. و المناطق اللي بعدها تعتبر اورانج كاونتي
ما علينا
المسافة ممكن تاخذ في حدود ال 30 الى 45 دقيقة .. و يعتمد على الزحمة و ساعات الذروة في الطرق السريعة
من لوس لنجلوس الى فيغاس تقريباُ 4 ساعات بالسيارة
رحلة موفقة

لا اشكال بذلك مع الاخذ بالاعتبار انك يوميا سوف تعبي بنزين لا يقل عن 40 دولار للسيارة والاشكال غالبا بالنهار بذروة الزحمة اما بالمساء فممكن الطريق ياخذ اقل من 25 منتس بأذن لله , , , بالتوفيق , , ,

نفس المشكلة لاني حجزت كل الفترة بالاناهايم وبعدين تحسفت لما شفت شمال لوس انجلوس
خصوصا اني كنت مقرر اني ما اجر سيارة واعتمد على التكاسي لكن حاليا صرت مضطر

والله ان السياراة من اكثر الاشياء الممتعة في كاليفورنيا بس لازم معاك واحد عشان تمسكون سيد الكاربول الي اسرع من الطريق العادي
واصلا مو شرط كل يوم تطلع للشمال الجنوب بطل بشكل كبير

ninety
السيارة مطلب أساسي للتنقل في كاليفورنيا و صعبة تنقلاتك كلها تكون بالتكاسي ... لانك فالنهاية بتلاقي ان أجار السيارة أرخص من استخدام التكاسي و أوفر و أريح

لكن في نفس الوقت بعض الفنادق (خاصة الماريوت) اسعارها رهيبة على المواقف فاول شي باروح وبعدين اقرر متى ااجر السيارة (مثلا من منتصف المدة لان اول ثلاث ايام انا في ديزني وفندقي 5 د من ديزني)

والله انا ماحب اسكن الا في ارفاين .. منطقه راقيه وهاديه وفيها مجمعات فخمه
شمال لوس انجلوس فيه يونيفيرسال وهوليوود وبيفيرلي هيلز اما لوس انجلوس داون تاون ماحبها
عشان تقطع من الشمال للجنوب تاخذ طريق i-405 او i-5 طبعا وقت الزحمه كل الطرق تجيم
السكن في الداون تاون لوس انجلوس عيبه المواقف بفلوس ولو انه اغلب فنادق لوس انجلوس مواقفها بفلوس بس الداون تاون ياخدون فلوس بزياده فضلا عن خطوره الداون تاون وكثره المشاكل اللي هناك
انا سكنت في داون تاون سندياقو وتحسفت قد شعر راسي
موفق اخوي

مشكورين جميعا عالمشاركات
واللة يا صقر رحال آنا حجزت خلاص السكن في Royal Palace Westwood وان شاء اللة نستانس في المنطقة وحجزت سيارة من شركة Alamo واللة أسعارها رخيصه مقارنة بالباقي وتعطي سعر ممتاز للسياح من خارج الولايات
واللة اسهل علينا وعلى الجميع