قرقور
16-06-2022 - 05:19 am
السلام عليكم جميعا...
موضوع كان يخطر ببالي وانا اخطط لزيارة ماليزيا بعد العيد ...
هذا الموضوع هو ...
الوقت الكافي لزيارة بعض الأماكن ... يعني مثلا بالنسبه لمنتجع افاموزا اذا كنت ارغب في الأستمتاع بالألعاب المائيه وحضور العروض المميزه .. وش كثر يكفيني وقت???
5 ساعات مثلا او اكثر?!!!
وماهي افضل طريقه للذهاب للمنتجع
وهل يحتاج مثلا اني امضي ليله مثلا في المنتجع ???
منتجع افاموزا مجرد مثال وانتم عاد ادرى بالأماكن اللي تستاهل الزياره في كل من كوالالمبور او جنتنق او لنكاوي او اي مناطق اخرى في ارجاء ماليزيا
يحتاج نعرف
الأماكن اللي تستاهل الزياره
ماهي افضل طريقه لزيارة هذه الأماكن
الوقت الكافي للإستمتاع بهذه الأماكن
اي معلومات اخرى مفيده
أهلا يا قرقور
بالنسبة للأماكن السياحية
1- في الكاميرون هايلاند : خذ نزهة عن طريق مكتب في الاكواتوريال ( خذ الرحلة اللي ب 25 ريال للفرد ويودونك لمدة اربع ساعات تقريبا لمركز الزهور ثم لحديقة الفراشات والحشرات ثم لمركز النحل والسوق الشعبي والخضار القريب منه ثم لمزارع ومصنع الشاي والمقهى اللي فيه ) ثم لحديقة الفراولة الرحلة لطيفة جدا وخاصة انها في باص صغير ومع أجانب غالبا وهي فترتين يوميا من 9 ل1 الظهرا ومن 2 ل6 العصر ولا تأخذ الرحلة الطويلة لأنها غالية 120 للفرد وبدالها رح اليوم الثاني مع تاكسي خاص الساعة ب 18 رنجت يأخذك للأماكن الباقية والموجودة في الرحلة الطويلة واللي منها كاكتوس فالي cactus valley والقرية الخاصة بالسكان الأصليين asli comong والشلالات الموجودة واللي بداخل غابة ( 50 للشخصين ثم 3 ساعات بالكثير بالتاكسي 55 رنجت يعني كلها 105 رنجت أحسن من 240 ) ولا تنسى تشرب ملك شيك الفراولة الرائع وتأكل الفراولة الطازجة والايس كريم المثلج الطبيعي وكلها عند حديقة الفراولة اللي بتروح لها في الرحلة القصيرة .بالنسبة لمطاعم كاميرون هايلاند . ترا ما فيها مطاعم جيدة أو عربية إلا مطعم ميري براون merry brown الرائع للوجبات السريعة واللي تشبه وجبات كنتاكي بالعكس هو أحلى منها وألذ ( وتراه في مدينة تاناه راتا جنب محطة الباص ) .
في لنكاوي رح لميدان النسر والسوق الحرة القريبة منه .ايضا عندك عالم تحت الماء وبجانبه اسواق ملابس حلوة واسعارها معقولة . ايضا لا تنسى تأخذ رحلة الثلاث جزر أو أفضل منها رحلة المانجروف النهرية . خذ لك ايضا جولة بالتاكسي عندهم الساعة ب 20 رنجت حول الجزية ( بتأخذ لك اقل شي 5 ساعات ) يوديك لحديقة التماسيح وعرضهم يبدأ الساعة 3 العصر وايضا جاليريا بيردانا ( معرض هدايا رئيس وزراء ماليزيا ) والتلفريك الممتاز ومركز الطيور الرائع ،ثم حديقة الثعابين ( انصحك لا تروح لها ماهيب حلوة ) ثم الشلالات ( لاتروح لشلالات الآبار السبعة رح لشلالات غيرها بس ما اعرف اسمها ).
نصيحة في لنكاوي لا تقول لحقين الدخول في حديقة التماسيح و جاليريا بردانا ان معك كاميرات سواء تصوير أو فيديو ( لأنهم ياخذون عليها رسوم ) علما بأن التصوير في جاليريا بيردانا ممنوع .
والباقي بعدين .