من يقول أنا لها؟؟
>> على بالي بأحمسكم.
مع خالص احترامي

1. اولا خط السير المفروض يكون على النحو التالي

Rawwwaf
حياك الله اخوي رواف
بحاول اجاوب على قد معرفتي البسيطه و المتواضعه

اولا خط السير المفروض يكون على النحو التالي

فينا >> زيلامسي >> سالزبورج >> ميونخ >> زيورخ >> انترلاكن >> جنيف >> باريس >> برشلونه

• * وجهة نظر متواضعه ميونخ لايوجد فيها شيء يميزها عن المناطق اللي بتزورها وتشبة الى حد ما فينا وكذلك زيورخ لاتستحق الزياره ابدا ابدا ولو حطيت ايام زيورخ وميونخ سويا كلها في انترلاكن بيكون افضل لان انترلاكن اقل شي خل لها خمس ليالي لانها تستاهل
• * يوجد مناطق في سويسرا تستحق الزياره مثل زيرمات , لوزيرن و مونترو ...اقتراحي عليك ان تحذف زيورخ وميونخ من الحلقه وتنتقل من سالزبورج مباشره الى انترلاكن في رحله تستغرق ست ساعات ونصف مع تغيير قطارين في انسبروك النمساوية وزيورخ السويسريه وتجعل انترلاكن 6 ليالي وتجعل منها ليله للذهاب الى لوزيرن صباحا و العوده منها مساءا و يوم اخر تذهب الى زيرمات و العوده في نفس اليوم فصدقني انها تستحق الزياره و المكوث ايضا لو اردت

كم تتوقعون تكلفة رحلتي .. مع التذاكر وحجز الفنادق والمعيشة والتنقل بين الدول؟
لو حطينا متوسط 800 ريال للفنادق في الليله معناها الفنادق 24,000 ريال و التذاكر 7,500 ريال و متوسط صرف يومي 1000 ريال (مبحبح نفسك وتقدر تزيدها وتقدر تقللها) معناها الصرف 30,000 ريال >> الناتج كله 61,500 ريال طبعا بدون مشتريات وزي ماقلت لك تقدر تزيدها بزيادة اسعار الفنادق وتقدر تقللها وتقدر ايضا تزيدها بزيادة معدل الصرف وتقدر تقللها....بمعنى اللي ياكل فاست فوود غير اللي ياكل بمطاعم عربية وهنديه وصينية وايطالية لان الفرق بينهم تقريبا الضعفين (الفاست فود 15 يورو لك انت وزوجتك و المطاعم الاخرى لاتقل عن 60 يورو)
كيف جو أكتوبر وأول نوفمبر في أوربا وخصوصاً في النمسا وسويسرا وألمانيا؟
هذا جدول درجات الحراره في سويسرا لخبيرنا ورحالتنا الغالي ابو عزيز وتقدر تقيس عليه النمسا ايضا وكلما اتجهت جهة المناطق الجبليه مثل انترلاكن وزيلامسي درجات الحراره بتصير ابرد
متى تغيب الشمس هناك في التاريخ المحدد؟
تقريبا بس منيب متاكد 100% اعتقد بين الساعه 6 الى الساعه 7 مساءا تقريبا
اتمنى انك تشوف اراء الخبراء وتتمهل في التنسيق النهائي للخطة
اتمنى لك التوفيق في الحل و الترحال

الله يجزاك خير حدي مصر
أحرجتني بتواجدك الرائع.
وبأخذ نصيحتك .. وبألغي ميونخ وزيورخ.
وخليها وجهه وحده لأنترلاكن .. وجنيف بعدها.
طيب .. شف الخطة من جديد
فينا >> زيلامسي >> سالزبورج >> انترلاكن >> جنيف >> برشلونه
وتراي طيحت باريس بعد..
يعني اللي بأروح لهن بس النمسا وسويسرا وأسبانيا.
هل تتوقع يطيح من الميزانية واجد...لأني واضع ميزانيتي تقريباً 50000 ... تتوقع تكفي ولا أغير الوجهه.
لو حطينا متوسط 800 ريال للفنادق في الليله
معناها الفنادق 4 نجوم .. صح أو لا.
بالنسبة للجو هناك .. هل هو مناسب ... يعني لبسنا يكون خفيف ولا ثقيل .. او مع بعض.
الله يوفقك أخوي حدي
مع خالص احترامي

اخي Rawwwaf
الله يوفقك ويسهل امرك
انا لم اسافر لكن اذا سافرت ابشر بالمعلومات اللي تسرك لان خطتي قريبة لخطتك

1. انترلاكن 5 ليالي (المتروبول او سانت جورج)


2. باريس 4 ليالي (شاتو فرونتناك او فرانكلين روزفلت)

Rawwwaf
شوف ياخوي رواف تغير الوجهه لا...لاني من المتعصبين لاوروبا..قلل الايام وبتكفيك
انصحك با الجدول التالي
فينا 3 ليالي (الماريوت او الانتر او هيلتون الشتاد بارك او اوروبا)
زيلامسي 4 ليالي (الجراند و السي فيلا و ماكس ونيو بوست وفيشرويت)

• *لاتدقق في فنادق زيلامسي تراها كلها مخيسه بس الديره تسوى وحلوه

سالزبورج 3 ليالي (الريناسانس او اوروبا او NH )

انترلاكن 5 ليالي (المتروبول او سانت جورج)

باريس 4 ليالي (شاتو فرونتناك او فرانكلين روزفلت)

• * جنيف الحلو المناطق اللي حولها ولا هي عاديه ونقدر نشيلها وبرشلونه مارحتها بس احسها بعيده وبهدال خلك على الجدول اللي فوق انسب خصوصا ان المسافة بين اسبانيا وسويسرا ماهي بسيطه ولك حرية القرار
• * نوع مابين الوجبات السريعه (ماكدونالدز وبرجر كنج ومطاعم الشاورما التركيه) ومابين المطاعم الصينية و الهندية و العربية لانك اذا كثرت منها طارت الميزانية با السماء...الشيء الاكبر اللي خلى مصروفي باوروبا يوصل حدود 60 الف كله من المطاعم
• * استخدم وسائل المواصلات العامه مثل المترو بفينا و الباصات في زيلامسي وسالزبورج و القطارات في انترلاكن و الاندر جراوند بباريس لانها بتوفر عليك كثير واستخدامها جدا سهل

لو سويت اللي فوق اعتقد ميزانية 50 الف تكفيك وانت مبسوط بعد
با النسبة للبس ربيعي وشتوي بس صيفي ما اعتقد تلبس لان درجات الحراره بتكون مابين 5 درجات الى 20 درجه فقط
با التوفيق

محمدالنجدي
كريم وابن كريم
ما تقصر محمد .. يكفي زيارتك وطلتك طال عمرك.
وياليتي أعرف برنامج وخطتك؟
مع خالص احترامي

حدّي مصر
أم
ما أقدر أقلل الفترة .. لأن أصلاً عندي ارتباط بأسبانيا.
يعني فيني فيني الروحه.
بأدرس الموضوع زين .. وبأشوف نفسي.
عموماً ما قصرت حدي .. ولو طرا علي سؤال .. بأسأل .. عاد لا تنساني
الله يجزاك خير
مع خالص احترامي

Rawwwaf
طيب اذا عندك ارتباط باسبانيا تقدر تروح اسبانيا وبنفس الوقت تقلل الفتره
يعني الجدول هذا اعتقد بيناسبك
فينا 3 ليالي
زيلامسي 5 ليالي
انترلاكن 5 ليالي
جنيف (مونترو) 4 ليالي
بعدها تشوف لك طيران اقتصادي يطلع من جنيف او زيورخ الى برشلونه
برشلونه 4 ليالي
القرار الاول و الاخير لك...مع تمنياتي لك با التوفيق في الحل و الترحال

حدّي مصر
المشكلة إني لازم أطلع في يوم 12 اكتوبر
والإرتباط في أسبانيا في أول نوفمبر إلى يوم 7.
فعشان كذا .. ضايع .. تبي تصير علي أيام ما راح أستفيد منها.
ما لي إلا حل واحد أني أأخر الروحة بدل 12 أخليها 18.
وما أدري إذا أقدر أو لا.
الله يعين
ما قصرت حدي.
مع خالص احترامي