- ويكون انتهى اليوم الأول
السلام عليكم
إخواني وأخواتي في منتدى العرب المسافرون افتخر بما اني مسافره ان شاء الله لأول مره لأوروبا اني لجأت لهذا المنتدى الجميل في التخطيط لسفرتي لباريس وسويسرا
بس عندي كم استفسار خلال رحلتي في فرنسا
محتاجه بعض التفاصيل عشان تكتمل الرحلة ان شاء الله
بدايةً حنقضي انا وزوجي 4 ليالي في فرنسا ويكون الوصول الجمعه ان شاء الله الساعه 3 العصر
وبما أنو حيكون خلص اليوم علينا حنوصل الفندق في الشانزلزيه ونترك أغراضنا ونتوجه لبرج أيفل ( قريت انو الصعود لبرج ايفل مستمر للساعة 9 المغرب) صحيح هذي المعلومه؟
ويكون انتهى اليوم الأول
ثاني يوم من الصبح بعد الإفطار حنتوجه لقصر فرساي ونقضي اليوم كلو هناك واشترينا تذاكر القصر والحديقة ( هل تستحق الزيارة وتستحق انو خصصا يوم كامل لها)
ثالث يوم حيكون في الصباح لمتحف الشمع ( كم ساعه تكفي لمتحف الشمع) وبعدو نتوجه لديزني لاند ( حابه اعرف أية جزء في ديزني لاند يكون مفتوح لساعه 11 الليل عشان نخصصو في هذا اليوم الاستوديو ولا البارك) واللي حيفضل مفتوح الى 11 حتى الألعاب تكون مفتوحة ولا تقفل بدري)
رابع يوم والأخير ديزني لاند لأنو أشترينا التذاكر من المواقع الإلكترونية تذكرتين ليومين في ديزني لاند وهذا اليوم حيكون ان شاء الله للجزء اللي يقفل الساعه 7
وحابه اعرف أكثر عن الفاست باس اقدر اشتري هذي البطاقة من موقع إلكتروني قبل السفر ولا لا لأني مني فاهمه هذا الموضوع لأني قرأت انو في جهاز عند بعض الألعاب في ديزني لاند خاصه بالفاست باس
وإذا كان في جهاز كيف طريقة استخدامو وبكم سعرو؟
وحابه اعرف أسامي بعض المطاعم الحلال في الشانزلزيه وديدني لاند والقرية اللي فيها قصر فرساي
وإذا في احد زار منكم جسر العشاق ويعرف كم المسافة بين الشانزلزيه للجسر؟
وكده تنتهي رحلتنا في فرنسا وفي اليوم الخامس حنتوجه لسويسرا أنترلاكن
اذا في مكان جميل مو موجود من ضمن الرحلة قوليلي عليه
صحيح في أماكن كثيره حابين نزوحها انا وزوجي بس لضيق الوقت محايمدينا
