اذا ماعندكم الا 10 ايام نصيحتي لك خلي جدولك الذهاب زيورخ والعوده جنيف
يومين زيورخ - 5 ايام انترلاكن - 3 ايام جنيف
ومن زيورخ تروحون لالعاب اليورب بارك روعه للكبار واحلى من ديزني لاند للكبار
الافضل تستاجرون سياره من زيورخ وتسلمونها في جنيف
احجزوا التذاكر من الحين

السلام عليكم
اخواني عدلت على المخطط ارجوكم ساعدوني
اخترت الرحله تكون فقط ل سويسرا
ليلتين جنيف 3 ليالي انترلاكن 3 ليالي لوزان و ليلتين زيورخ
انا ابي المساعده في اختيار الفنادق ومن ثم في ترتيب جدول الرحله والبرنامج اليومي وترشيح المطاعم اللي ماتتفوت في كل منطقه وطبعا تكون مطاعم حلال
اولا ببدأ بالفنادق اللي اخترتها
جنيف فندق كمبنسكي - شلون موقعه ؟ هل هو على البحيره مباشره ؟ وهل توجد محطة قطار قريبه للذهاب لانترلاكن فيما بعد ؟ واذا الفندق مو ذاك الزود يليت ترشحون لي فندق رايق وتكون له جلسات تطل على البحيره و يكون الفندق قريب جدا من البحير
انترلاكن فندق كربس واشوفه حلو ومقتنعه فيه بس هل محطة القطار للذهاب للاماكن السياحيه قريبه منه ؟ واذا في اي فندق اخر افضل اتمنى تقولون لي عنه
لوزان فندق موفنمبك - الفندق جميل ومقتنعه فيه واهم شي يطل على الاوشي حق التمشيه فالليل والسهر
زيورخ - فندق سنترال بلازا وشرايكم فيه ؟ وشلون مستواه ؟ وهل قريب من شارع باهنهوف ؟
اتمنى تساعدوني في اختيار فندق في زيورخ يكون بسعر معقول وقريب من شارع بهنهوف ويطلع على النهر وقريب منه محطة قطار ياخذنا لشلالات الراين
معليش وايد اتشرط بس ابي اكون مرتاحه نفسيا وابي كل شي قريب عشان ماتوهق خصوصا هذي اول سفره لاوروبا
انتظر الرد منكم اخواني

ماعندك الا 10 ايام نصيحه
4 ايام بجنيف او لوزان (كلهم جنب بعض السكن بوحده منهم يكفي) وزيارة القرى الفرنسيه اللي حولهم
6 ايام انترلاكن ومنها زيارة لوزيرن وممكن يوروبا بارك أو شلالات الراين
مانصحك بزيورخ حتى لو العوده منها تقدرون تطلعون من انترلاكن تشك اوت للمطار دايركت عن طريق القطار
بالنسبه لفندق لوزان رائع وموقعه ممتاز
وفندق انترلاكن بعد زين وقريب جدا عند محطة القطار ويست

مشكوره اختي على الرد السريع ماقصرتي
طيب اذا بخليها 4 ايام لوزان و 6 انترلاكن
اول ما اوصل مطار جنيف ابي اروح لوزان ؟ شنو اسرع وسيله قطار ام تاكسي ؟ وكم المسافه من مطار جنيف الى لوزان بالسياره والتاكسي ؟
و في الرجعه اذا برجع من انترلكن على جنيف على الدوحه
كم المده من انترلاكن الى مطار جنيف بالقطار؟ كم ساعه يعني ؟
اتمنى تساعدني في الرد
ولكي مني جزيل الشكر اختي العزيزه

ابي اقولكم عن الاماكن اللي ودي ازورها وانتوا ساعدوني في توزيع الايام على المناطق لانه كلها 10 ايام

• بحيرة جنيفا والنافوره واتصور هناك اهم شي اتصور عندها في خاطري خ
• الاوشي - انسي - ايفيان - غرير - مصنع الشوكولاته نستله كالير - مونترو - زيرمات - شلالات الراين -
• انترلاكن - ساحة البرشوت وكوفي صوخ - الاوشن سي والبلوسي - قرية ثون - قمة ثلجيه بس ماتكون خطره وبعيد عن الكهف الثلجي لاني ماستحمل البرد على طول امرض

بعد وين فيه اماكن حلوه ماتتفوت ممكن اروحها خلال مدة زيارتي
اي صح بعد اذا كان سيرك كين قريب من مكان اقامتي ممكن اروحه واحطه بالبرنامج
ساعدوني بليز

من جنيف للوزان 50 دقيقه
ومن انترلاكن لمطار جنيف ساعتين
حنا طلعنا من لوزان لمطار زيورخ والحمدلله الرحله كانت سهله وماحسينا فيها طبعا حسبنا حساب الوقت من لوزان للمطار بحيث نوصل على موعد الحضور المعتاد 3 ساعات قبل الرحله
لكن اذا حصل لك العوده من مطار زيورخ اقرب لإنترلاكن ساعه ونص

الجدول اذا قلنا 4 ايام لوزان او جنيف = زيارة مصنع التشوكلت والجبن - زيارة ايفيان من لوزان - زيارة الشامونيه قمة مونت بلانك رائعه جدا بس فيه ثلج بالقمه وكهف ثلجي - زيارة آنسي الفرنسيه
انترلاكن = قمة جنقفرو( بس طبعا بتكون كلها ثلج وفيها كهف ثلجي)
بحيرة بلو سي مع اوشن سي
شلال تروميل باخ و اخن باخ
شلالات الراين
زيارة لوزيرن نهار كامل
بحيرة ثون

يعطيج العافيه اختي ماقصرتي
ماقلتي اطلع من جنيف على لوزان بتاكسي ولا بالقطار ؟ ومن وين احجز اذا كان بالقطار؟