تطلع لها تأشيرة خروج وعودة من الجوازات .
السفارة المصرية موجودة في حي السفارات ، إذا كنت في الرياض .
المطلوب :
صورة أو صورتين شخصيتين لها .
تعبي الطلب ، وتدفع 60 ريال على ما أتذكر .
هم عادة يشترطون صورة من التذكرة ، بس وسّع صدرك ، مهوب لازم ، تراهم حبيبين ولا يعقدون الأمور .
وتأخذ التأشيرة خلال دقائق أو تجي بعد الظهر في نفس اليوم تستلمها .
بس .

نسيت أقول شيء :
ما تقدر تأخذ التأشيرة بالنسبة للخادمة من مطار القاهرة .
وتراني غلطت في ردي اللي فوق ، فالتأشيرة تأخذها من القنصلية المصرية في حي السفارات ، وليست من السفارة .
وكلاهما في حي السفارات أيضاً .. روح هناك واسأل وينها .

ايه ونسيت أقول لك شيء ثالث بعد :tongue:

ايه وش بعد ؟
خلاص

الخدامه الفلبينية بتيجي مع عائلة خالتي من الكويت عادي جدا
وبتخرج بعد تلات شهور كمان عادي

اخي بندر مساء الخير ........... الخدم المرافقين لمواطني دول مجلس التعاون يحصلون علي الفيزا من المطار اذا كانت الخادمه مرافقه لنفس الكفيل ....... ولايحتاجون الي فيزا من السفاره ,,,,,,,,,وقرار الحصول علي فيزا من السفاره تم الغائه من اكثر من سنه

والله انا قبل سنتين رحت لمصر بدون تأشيره ويوم وصلت للمطار قالو لازم تفيزين لها من نفس المطار فيزت لها تقريبا ب60 جنيه بس الاحسن انك تفيزلها من السعوديه علشان ماتتمرمط

شف يا بندر انت سالتنا وما قصر الاخ غنام معاك عطاك زبده الموضوع ونا رحت السنه الماضيه وخرجت للشغاله خروج وعوده وطلعت للقنصليه المصريه في السفارات واعطوني التاشيره ونا واقف ما تذكر كم الرسوم
شرط اساسي خروج وعوده للسعوديه
مرافقه الكفيل السعودي او اهله عائلته
فيه كلام كثير يقال تقدر تحصل عليها من مطار القاهره . لكن هذا الكلام ما هوب من مصدرثقه كلها وكاله يقولون
بالمناسبه ونت بكره رايح رتب امورك وعطنا الرد عشان نعرف لاني طالع بعدك باسبوعين
وترجع بالسلامه

اشكوركم
والله كفيتو ووفيتو
وكثر الله خيركم
وفعلن شكلهاا لازم التشيره اخذها من هنا
واشكركم