ناصر أبو ابراهيم
31-08-2022 - 12:04 pm
السلام عليكم... التأشيرة لألمانيا:
1- كيف أطلعها خصوصا للي من المدينة ؟
2-وكم تاخذ وقت ؟
3-وهل تسمح للدخول الى هولندا بلجيكا لكسمبورج فرنسا سويسرا ايطالية حسب الترتيب المذكور لاني سمعت ان سويسرا ما تسمح لدخولها الا من خلال الدولة المانحة للشنغن وكذلك ماتسمح لك بالخروج الا للدولة نفسها؟ هل هذا صحيح؟
4- وما طلبات التأشيرة؟
5- وهل تتطلب المقابلة الشخصية؟
6- وهل يمكن استخراجها من جدة أو بإرسال الطلب بالبريد؟ مثلا يعني :36_1_13:
والف شكر مقدما على المرور لانه لن يدخل الموضوع الا من يحاول المساعدة فجزاكم الله خيرا. :x1:
وعليكم السلام
1- كيف أطلعها خصوصا للي من المدينة ؟
تطلعها من السفاره من الرياض لاني قابلت ناس من جده ومن الدمام
بالسفاره جايين يطلعون التأشيره
2-وكم تاخذ وقت ؟
من 10 ايام الى اسبوعين
3-وهل تسمح للدخول الى هولندا بلجيكا لكسمبورج فرنسا سويسرا ايطالية حسب الترتيب المذكور لاني سمعت ان سويسرا ما تسمح لدخولها الا من خلال الدولة المانحة للشنغن وكذلك ماتسمح لك بالخروج الا للدولة نفسها؟ هل هذا صحيح؟مسموح لك بالدخول الى جميع الدول المذكوره ومسموح لك من اي دوله من دول الشنجن تدخل
سويسرا اذا كانت فيزتك صالحه ومتعدده مو لازم نفس
الدوله اللي اخذت منها الشنجن وماعندك مشكله تطلع لاي دوله (هذا طبعا بالنسبه للخليجيين)
4- وما طلبات التأشيرة؟
1-طبعا اول شي النموذج تمليه وتوقعه ويكون نسختين وعليه صورتين حديثه وخلفيه بيضاء
تسحب النموذج من موقع السفاره ,,وفيه عندهم ورقتين تعهد توقعها بالسفاره
2-تذاكر سفر ذهاب وعوده يكون اول وصول لك لاحد المدن الالمانيه ولا مايقبلون
3-حجز فنادق ويكون مرسل لك من نفس الفندق بالمانيا مايعترفون بحجز مكاتب السفر
وحاول يكون اغلب حجزك في المانيا
4-تامين صحي يغطي كامل المده المطلوبه
5-كسف حساب اخر ثلاث شهور واحيانا يقبلون صورة بطاقة الفيزا
6-تعريف من جهة العمل يكون جديد وموضح فيه الراتب ومدة الخدمه
ومترجم انجليزي من مكتب ترجمه معترف به
7-ثلاثمائة ريال لكل جواز
5- وهل تتطلب المقابلة الشخصية؟
اذا كان اول مره نعم يتطلب حضورك شخصيا وهذا شي ضروري جدا
واخيرا تقبل تحياتي وبالتوفيق انشالله