للأسف لا يوجد الكثير من المطاعم التي تبحث عنها في جنيف
واذا وجدتها بتحصلها من نوع الشاورما المشبعة بالدهون (دينور كيباب)
على كل حال يوجد موضوع تكلمنا فيه عن المطاعم بشكل عام
https://artravelers.com/p/re/145366
بالتوفيق

ما قصرت يا ابو عزيز
وعساك على القوة يخليك ربي

شوف يا بعدي نصيحتي كل يوم دق مشوار لشمونيه و اكل في مطعم لا كليش
اذا مستأجر سياره ههه امزح معك بس لو انا اسويها
في مطعم اكله زين بتشوفه على البحيره جلساته على البحيره ما اعرف اسمه بحاول اوصفه لك
في جسر اسمه مونت بلانك لما تكون على الجسر و النافوره على يسارك تشوف المطعم اخر الجسر على اليمين
ما اقولك اكله خطير بس كويس
طبعا ما اذكر اسم المطعم سوي لكن ارجع و اقولك لا يفوتك لاكليش بشمونيه
بالتوفيق

إنتركوت الشهير المطل على البحيره
مولينو الإيطالي بجور سوق الجلوبس

المغروم
يا بعد حيي انت يا المغروم
ترى ما عندنا مشاكل نضرب مشوار اذا الموضوع يستاهل ، بس وين هالمنطقة فيه اللي تقول عنها ؟
وياليت اذا ما عليك امر تتذكر او تسال لنا عن اسم هالمطعم اللي زين وعلى البحيرة
انا في انتظارك يخليك ربي

حريف أمستردام
ما قصرت اخوي الحريف

السلام عليكم
الله يعطيكم العافية
بعد التوكل على الله انا حجز في فندق البليفو لمدة ليلتين ، فودي اعرف اسهل طريقة توديني الى قمة اليونفرايوخ لو تكرمتوا
وما هي المتطلبات اللي لازم اخذها معاي اذا بغيت اروح هناك ، من خلال تصفحي لمواضيع المنتدى قريت ان درجة الحرارة في القمة توصل الى 18 تحت الصفر هل هذا صحيح ؟
انا في انتظاركم

Sa3oOoDy
هلا بك اخوي
المطلوب منك التوجه لمحطة القطار الغربية القريبة من الفندق (200 متر)
وتاخذ القطار للقمة
القطار بياخذك للمحطة الشرقية و منها الى لوتروبنونين ومنها الى القمة حسب الجدول الموضح في تقريري في برنامج 6 ايام
اهم شي تاخذ معاك جاكت وتكون لابس جزمة متينة وشوي سناك حق الطريق
سعر التذكرة بحدود 180 فرنك (الأغلى في سويسرا)
ودرجة الحرارة صحيحة لكن في الشتاء
في فصل الصيف تكون درجة الحرارة في القمة بين -2 و 5 درجات
بالتوفيق

aboaziz
الله يجزاك خير يا ابو عزيز
والله يساعدنا على رد جمايلك وما قصرت يا الغالي