قبل كم يوم رحنا نتعشى في وافي سيتي اللي من زمان ما رحنا له .. بس يوم رحنا لقيناه رايق وهادي ويجيب العافية والناس اللي فيه غير بصراحة .. الكل مروّق ويتسّوق بهدوء ..
وأصلاً كنا حنا مقررين نروح محل البرجر الجديد اللي اسمه برجر ريبل اللي فتح من تالي في وافي سيتي .. بس إكتشفت إنه هو نفسه إليمنتس كافيه http://elements-cafe.com/ !
بس اللي عملوه إنهم فصلوا الجلسه الخارجية عن الداخلية وصار الوضع كالآتي : الجلسة الخارجية اللي فهي إليمنتس كافيه بالمنيو كامل اللي فيه كل انواع الطعام والسوشي والماكي رول أما الجلسة الداخلية بالديكورات الجديدة صارت لبرجر ريبل بمنيو البرجر ..
أول شي ديكور المحل حلو بعد التغيير وألوانه باستيل رايقة والمساحة كبيرة .. وبعدين المينيو على الآيباد مثل كثير مطاعم من تالي صارو يستخدمونها ويضم المنيو العديد من أنواع البرجر بلحم الغنم واللحم البقري والدجاج والبط وغيرها وكمان تختلف النكهات بين اللي بالسويت آند ساور واللي بالمشروم واللي بالأناناس وغيرها كمان فيه الهوت دوغ وبرضوا بأنواع مختلفة ..
أنا طلبت البرجر الأمريكي .. طعم البرجر لذيذ بس كان شوية هش ذكرني بمذاق برجر بوتيك http://www.justselective.com/taste/3342.html اللي بالرياض.
وطلبت طبق جانبي سلطة تكسس سلو .. وكانت لذيذة .. عجبني المطعم وعجبني مذاق البرجر فيه .. أنصحكم إذا كان لكم جيّه لدبي إنكم تجربونه ..
منقول من:
http://wain.me/food/5701
عن تجربه شخصيه: المطعم رهيب و الاكل ولا اروع