مرحبا بالجميع
كما ذكرت بالموجز الاول نزلنا فندق سونيت تاور شقه بسعر3500 بيسو قال كم تبيها قلت ليله او ليلتين لانا ماحجزنا الى الجزيره ولاندري وش يصير تسمح الامور ولا لا
العزبه معنا ضربنا الكبسه عشاء مبكر الساعه 10 لان واحد من الاخوه جوعان وقلنا ابشر
الصبح الساعه 8 وان اتركز عند المكتب قالوا مايفتح الا الساعه 9 رجعت للمكتب وطلبت حجز الى بروكاي الان ضحكت البنت قالت مستحيل الان مافيه الا باكر ويمكن بعد قلت احجزي لباكر اعطيتها الاسما من واقع الجواز والجوال ورقم الغرفه قالت الساعه 4 اعطيك الخبر ماصبرت الساعه 3 وان طامر لها قلت الاخبار قالت امامك حجزين الان الاول غرفتبن بالفندق 4 نجوم بسع 110 $ للشخص يوميا او 135$ 5نجوم قلت لاهذا ولاذاك ابي غرفه واحده ثلاثة اسره قالت انتظر واجابت الكرسي قالت اجلس قلت مطول الحجز قالت احاول ابحث قلت ارجع لك بعد نصف ساعه قالت اوكي رجعت له قالت لقيت حجز وحظكم سعره حلو 100$ للشخص يوميا شامل من الى قلت اكيد قالت نعم اخترشت واعطتني عنوان الفندق واسم الخطوط وهي( زيست )وقالت سوف ينتظركم شخص في المطار لكن المطار بعيد عن الجزيره اسمه اعتقد ماليبو قلنا ماهي مشكله بس نطلع من مانيلا وغثاها الرحله الاقلاع الساعه 6 صباحا والحضور الساعه 5 المواصلات الى المطار الداخلي في مانيلا علينا اتفقت مع تاكسي 500 بيسو يجينا لانها بدري طلب 100 بيسو والاصل 400 قلنا ماشي وصلنا الموعد المحدد بالتفتيش صادروا المقص حقي قلت ماشي نسيت اذكر ان كل واحد مامعه الا حقيبه كتافي وباقي العفش عند الفندق وطلب عن كل يوم 100 بيسو ( حرام بس الحاجه)وصانا الرحله ساعه الاعشر تفريبا الطائره ماهي فل وصغيره ( ام مراوح بالجنب) شكله طائره رش الجرادوصلنا الساعه 7 في حدودها معنا قروبات من الصين واوروبيين ومن كل الاشكال استفبالنا في المطار واحد وقال انتظروا لين يجي الباص نص ساعه وهو جاي طلعوا البشر فدامنا وحنا اخر من طلع جينا في الكراسي الاخيره (لابارك الله فيهم ) كل مطب فينا كنا هنود تهز روسنا لين وصلنا بعد ساعتين بس الطريق ممتع الى المراكب قالو ادفعوا 900 بيسو الواحد 300 قلنا ليه قالوا ضريبه ( بدينا بالنصب شديت معهم وقلت اتصل على المكتب ليه ادفع قالوا المكتب ماله علاقه بالرسوم اخذ وجذب اخيرا شفنا الناس تدفع قلنا مثلهم اكيد هم عن طريق مكاتب مثلنا دفعنا والى المركب الصغبر مغطا ببلاستك عن الامطار ربع ساعه وحنا في التاكسي (جيب كنه كنور قديم وبالحوض راكبين بس مغطا عن المطر وركب معنا واحد صيني وثنتين من روسيا 10 دقايق نزلنا من الجيب وراح يكمل مشواره بالركاب الغرفه محجوزه واعطونا كروت للفطور حق 3 ايام
الفندق اسمه سي راب ينطقونه والاصل سي راف من اسمه ( سوف انزل صوره قريبا ان شاء الله )
هنا نقف من هذا التقرير ونواصل قريبا ان شاء الله تحياتي ,,