السلام عليكم
انا بدور لك على عائله تكون بماطلبت من مواصفات وسوف اعطيك التفاصيل قريبا بعون الله
بس قول لي ممكن تكون في مونتروسكل قريب من مسجد عمر او اي مكان وفيه باص قريب

السلام عليكم
على المواصفات الي طلبتها في سكن مع عائله قريب من ثري كنج وفي باص قريب بس ابي اتصل فيهم واعرف اذا عندهم الحين طلبه او لا

يعطيك العافيه اخوي ماقصرت انا ابي عايله تكون قريبه عشان استقر فيها ظنتي انه الي عند مسجد عمر نص ساعه بالباص اتوقع انه بعيد عشان كذا انا ودي بنيو ماركت ولا بالماونت ايدن عشاني ادرس بمعهد جامعة اوكلند ela وابي الباص يوقفني على السايمند لا هنت وانا اخوك
ياشباب اذا فيه ايجنت هنا ويقدر يجبلي عايله يرسلي على الخاص منها استفيد وافيدها

الله يجزاك خير يا سليم ,,,,
ويا حطبوط اذا قدر الاخ سليم يامن لك قريب من مسجد عمر فالمنطقه رائعه وهادئه جدا ,,,
وبالتوفيق ان شاء الله

اخوي حطبوط هذا سايت فيه هوم ستي بس ما ادري اذا كان يعجبك تدور على النت عموما انت شوف لين احصل لك على رد من المعارف على شي جيد وربي يوفقك
هذا السايت
http://www.homestaybooking.com/
وهذا سايت ثاني
http://www.hippohomestay.com/
وان ماعجبك شي فيهم علمني وان شاء الله اجد لك مايعينك على دراستك
واعتذر منك لكثره مشاغلي لا استطيع ان اذهب بنفسي للاماكن الي فيها هوم ستي
اخبرني احد الاصدقاء ان في الجامعه الي انت فيها موجود اذا سالتهم
بس قول لهم ان يجدو لك سكن مع عائله لايوجد بها طلبه عرب والا سوف تقلبوها ديوانيه وترجع وانت معلم العائله عربي
امزح معاك ربي يوفقك
انا راح اتابع معاك ولا يهمك انت بين اهلك وربعك واي شي باذن الله سهل

اخوي الموقع الثاني قد بحثت فيه ولم اجد والمعهد حقي قالي ادفع 200 وندورلك قلتلهم اذا مالقيتو بالمواصفات الي ابيها قالو ماترجعلك قلت اجل ماني دافع اليوم الثاني دقت علي وقالتلي لقيتلك ورحتلها قلت ابي اشوفها وبرجع ادفع قالت اوك وروح اشوفه الا وصخ والله يمكن مافيه محل تجلس فيه الا بغرفتك ورحتلها قلت ماعجبني زعلت وتقلي انت مايصير تروح تشوف وتقول مايعجبني قلتله هو وصخ مره قالت تحمل انت منت في غربه انت بيبي قلتلها بطلعلي غيره ولا لا قالت لا ماعندي غيره يعني زي الي تقول ظف وجهك لنه السعودين يدفعون العاده الجداد ولا يكثرون طلابات وتقطهم باماكن بالباص 45 دقيقه
اخوي ماقلتلي ردو عليك الاعايله الاولى وكم تبعد بالباص اذا اقل من 20 دقيقه بروحلها ومعليش اخوي ادري اني زوتها حبتين بس والله زي ماقلتلك اني ناوي استقر فيها
aboodiy_2hotmail.com
بدال @ 2
وبشوف الموقع الاول انشاله القا فيه شي

لقيت لك وانا اخوك شويه سايتات تشوف البيت والعائله وانت قاعد مكانك
اول سايت
http://www.homestayfinder.com/
السايت الثاني
http://www.homestayfinder.com/SearchHost.aspx
السايت الثالث
http://www.homestayfinder.com/GuestForm.aspx
وباذن الله سوف تجد مطلبك
واذا بغيت شي ثاني انا حاضر ومثل ماقلت لك لاتشل هم
كل شي سهل باذن الله

والله يخوي مادري شلون اشكرك بس للاسف المواقع هذي قد راسلته وفي مواقع كثير راسلتها ومن غير فايده

طيب اخوي عطني فرصه للويك اند وبعون الله اجد لك ماتطلب وارجو المعذره لاني مشغول شوي بس اوعدك باني اجد لك شي بعون الله يعجبك
تحياتي لك وامنياتي بالتوفيق