srmam5
06-02-2022 - 07:03 pm
السلام عليكم ورحمة الله وبركاته
هذا اول موضوع لي في منتداكم وبصراحه حابه تساعدوني الله يجزاكم كل خير
حنا بصراحه نوينا على السفر لتركيا الجيله من كثر مامدحوها لنا وكثر ماقريت منكم عنها
فحبيت اسافر لها فعندي كم طلب ابيكم تساعدون
1- كم التكلفه التقريبيه لمده شهر لعائله من 5 اشخاص 3اطفال وانا وزوجي
2- ابي تسون لي جدول بالمدن ومدة الايام
3- ابي اعرف الاماكن اللي ممكن اروح لها في هذي المدن
4- ابي اماكن تناسب الاطفال طبعا مثل ملاهي اماكن ترفيهيه وتعليميه
5- ابي اعرف اشلون اذا حابه اسافر على شهر 7 من متى احجز وايش احجز بس للطياره واذا رحت هناك احجز للندق والمواصلات ولا الافضل كلهم مره وحده
6- ابي اماكن المرشدين السياحيين العرب المسلمين وخطين على المسلمين وارقامهم اللي تعاملتوا معاهم اهم شي
7- الاكل اشلون هناك حلال ولا لا لاني جربت دول ثانيه وطبعا على طول ماناكل الا في مطاعم عربيه ولازم حلال
8- اهم شي والمهم في الموضوع ابي اماكن سنعه ابي طبيعه ومناظر خلابه تعبت من المجمعات وبعد ابي مجمعات
9- وش اهم شي لازم اشتريه من تركيا ويميز تركيا فيه عن الدول الثانيه
10- اسفه على ازعاجكم بس والله محتاجتكم تردون علي لان هذي الرحله كانت المفروض تصير من 13 سنه ( شهر العسل )بس ماصار لنا نصيب فيها واتمنى اني اروح لها لانها حلم حياتي انا وزوجي
فارجوكم لاتتاخرون علي وبالذات انت يالباب العالي وانت ياسفير تركيا وعمدة تركيا يالله بيضوا وجهي قدام زوجي وردوا انا في الانتظار
ومن وجهة نظر شخصية جدا جدا أجيب على تساؤلاتكم :
1 - معدل الصرف لمدة شهر يعتمد على العائلة نفسها ومستوى السكن وبشكل عام من 30 -35 ألف ريال شاملة التذاكر والتنقلات والسكن الممتاز.
2 -( 3 أيام استنبول - 2 يوم بورصة - 4 يلوا وترمال - 2 يوم ابانت - 14 يوم ترابزون وماحولها ... ايدر - اوزنجول - متشكا - بقية الأيام استنبول )
3 - كل مدينة بها مايميزها وعند قراءتك للتقارير في البوابة التركية سوف تتعرفين على أهم المعالم
4 - الملاهي متعددة في كل مدينة وخاصة في المراكز الكبيرة مثل جلاريا وجواهر في استنبول بالاضافة ملاهي تعطيليا الشهيرة ، وعلى الكورنيش في المدن الأخرى
5- حجز الطيران من الآن أفضل وأرخص وتختلف الأسعار من (1800 - 3000 ) حسب الخطوط وحجز الفنادق من هنا ارخص من حجزها من الفندق مباشرة وهناك مكاتب في تركيا تعطي أسعار مناسبة ومنها مكتب المرجان وممكن حجز يومين من هنا وعند الوصول اتمام بقية الحجوزات مع المكتب التركي ، ويوجد عندهم سائقين يتكلمون العربية .
7 - تركيا دولة اسلامية ومعظم المطاعم أكلها حلال ولذيذ
8 - الطبيعة الخلابة في المناطق الموجودة حول ترابزون وفي ابانت
9 - الأسعار في تركيا للبضائع العالمية أغلى بكثير من عندنا ....
10- ليس شرطا أن يكون شهر العسل في بداية الزواج بل الرحلة مع الأولاد متعة كبيرة وراحة نفسية ( جعل الله أيامكم كلها عسل × عسل )
أخيرا أعيد وأكر قراءة المواضيع المميزة في هذه البوابة تساعدكم على تجهيز الخطة المناسبة لكم .
تروحون وتجون بالسلامة ولكن لاتنسون بوابة تركيا من الصور والتقرير بعد العودة
حفظكم الله ورعاكم