ام فتون
روحي ولاتخافين من شيء. أنا توني جاي مع زوجتي وماواجهنا أي مضايقات من أي أحد من الشعب التايلاندي الأطيب في العالم.

لا تخافين يا اخت ام فتون تايلند بلد الابتسامة ستجدين كل الشعب التايلندي يبتسم لك من المطار الى المطار والامن عندهم مضبوط ستجدين رجال الامن بكل مكان والحرص واجب يعني لا تطعلون فلوسكم قدام العالم وتهملون اغراضكم واذا انسرقتوا قلتوا ما فيه أمان كل بلد وفيه مجرمين يجب ان نحرص على ممتلكاتنا الشخصية واغراضنا وانفسنا ونبتعد عن اماكن الشبهات وتايلند بلد أمان تقل فيه المشاكل وحوادث السرقات انا اخرج في كل وقت حتى منتصف الليل ولم يسبق ان تعرضت لاي نوع من انواع المضايقات او السرقه والحمدلله
اخوكي طيار2006

اخوي طيار 2006 كفى و وفى ماشالله عليه
بس بالنسبه لي انا لو بخاف من شي بخاف من السكارا اخر الليل الاوروبين وغيرهم وهالاشكال يتواجدون في المناطق اللي خارج بانكوك ودايما اخر الليل يعني الواحد ماله داعي اصلا يكون برع اخر الليل لن المحلات الساعه 7 او بالكثير 8 مسكره
وللعلم انا في تايلاند حاليا وانتظروا تقريري بعد مارجع
واسمحولي عالاقصور
وتقبلوا مني فائق التحية والتقدير

هلا بك اخوي قطري ترجع لنا بالسلامة وكلامك صحيح 100% الواحد يحاول قدر الامكان يتجنب الخروج بالاوقات المتأخرة لأن كما ذكرت الاسواق مسكره واحلى شي تايلند وجزرها في النهار تكون رائعه ننتظرك وننتظر تقريرك اخوي قطري
طيار2006

انا بعد مالي اسبوع جايه من تايلند وبنقابي وما لقيت أي مضايقات ونطلع انا وزوجي وعيالي مشي آخر الليل ولا تعرضنا لشي الحمدلله في بانكوك و بوكيت وشانغ ماي بس ابعدي عن الاماكن المشبوهه

تروحين وترجعين بالسلامة
وانا مع الاخوان كمان .... ديرة مشاء الله أمان ....ومحترمين

جزاكم الله خيرآ طمنتوني خلاص قررت اروح تايلند

الاخت ام فتون
توكلي على الله وروحي تايلند لاني انا رحت لها خمس مرات وما اذكر ان صارت لي مشكله لان شعبها طيب وخدوم بس فيه شوية غباء بس عادي بتمشي امورك كلها وبالنسبه للعاصمه مليانه اسواق بس شوارعاه زحمه
ونصيحه اختي اذا بتروحين تاليلند روحي جزيرة بوكت لانها في غاية الروعه
واذا بغيتي اتشرين لا اتشرين الا من العاصمه لان اسواقها رخيصه جدا بس اهم شي طيحي فيهم امكاسر عشان ينزلون في السعر
وبالتوفيق اختي
ورحله موفقه ان شاء الله

الله يسهل عليكم ........انا توني راده من تايلند وكلش عادي نقاب اسود بيج الي تبين الشعب في حاله وخذيها مني رايحه جايه بالسكاي ترين لوحدي عادي جداً واذا جاء في بالي مقاضي ولا شي اطلع لو الساعه تسعه في بانكوك واروح حي العرب ماحس بخوف ولله الحمد ونصيحه الي يعجبك كاسري وخذي لاتقولين الاقيه بعدين ارخص لان مو على كل حال خصوصاً الاشغال الحرفيه في شنجاماي حتى الملابس في فوكيت لان شفت اشياء وقلت على كلام الشباب القاها في بانكوك ارخص ولا حصلتها لا اغلى ولا ارخص ,,,,,,شي ثاني ركزي على لاسواق الشعبيه لان المراكز الماركات تارسه العالم وتلاقينها في ديرتك بس الاشياء الثانيه لا ام واهم شي اي شي توصلينه بالسكاي ترين روحيله واياك والتاكسي يضيع وقتك في الزحمات