هلا بك اختي
الوقت بيكون شوي بويرد يعني براد شوي الليل بين 3 و 7
وفي النهار بين 12 و 19
عادة احب اروح كل سنة في نهاية ابريل علشان استقبل بداية مايو هناك (شهري المفضل)
السكن في شقة افضل واكيد بدون تردد الهوم بزنس
على الأقل انا جاركم انتبه لكم
طبعا السبب ان جنيف مدري وش صاير لها صار لها سنة مو عاجبتني
اكثر شيء يضليق فيها السرقات بشكل ما تتخيلينه
من باب ابعد عن الشر وغنيله افضل واوفر وانظف لكم الهوم بزنس
ودام السواق بيوديكم ويجيبكم فما عندكم اي مشكلة
وين تروحون (سؤال قوي جدا) خاصة اذا عرفتي ان التقارير ما شاء الله دسمة وفيها الكثير
لكن يبيلك تراعين موضوع الوقت لأنك في اخر موسم الشتاء
لوقانو مع السائق 4 ساعات رايح ومثلها جاي مدري احسها مشوار عليكم
الا اذا وصلتوا هناك وجلستوا فيها كم يوم
مجيف مع شامونيه رائعة بيوم واحد
انسي مش بطاله خاصة لو الجو حلو ودافي
سوق الويست سايد ما يتفوت خاصة اذا انتم رايحن لأنترلاكن
عندك اكيد يوم سوق عالمي لجنيف تبدأون بالداون تاون مرورا بالمامور (مع الغدا) ثم ختامه في البلاكسيرت وياليت يصادف يوم خميس (الى 9 م)
ليه ما تطلعون تشوون يوم في سيقنال دي بوقي
منترو رائعة التمشية على البحيرة ومطعم قصر الشرق فكرة
ممكن تفكرين في نفس اليوم زيارة لأيفيان ومطعم الماعز
لازم يوم كامل لقشتاد مع قلاسيي 3000
بعدين ليه متعبه حالك مع السواق وش قال ربي يالقارمن
اشتري واحد من هنا ارسليه ليه انزل لك كل الأماكن اللي تخطر عل بالك
اتمنى انك تشوفين الدليل وصفحة سويسرا في موقعي الخاص
كل اللي ذكرته اعلاه موجود بالتفصيل
وبيني وبينك انا اتوه ادور على مواضيعي
لذلك افضل شيء افتحي قوقل وحطي اسمي Aboaziz ,ومعها حطي اي كلمة بالعربي
وراح تحصلين الموضوع المطلوب بإذن الله
لو احتجتي اي شيء الأعضاء الأبطال موجودين لكن شوي مشغولين مع البراد والإمتحانات
لأننا هنا في البوابة الحمراء الكل مايقصر

اين تقع الهوم بزنس وكيف احجز فيها وإحداثياتها
الله يوفقكم

ghj
تفضل عزيزي
https://artravelers.com/p/re/141423

إختي الكريمة معالي
كم يوم مدة رحلتكم ؟
ستكون لي عودة بإذن الله لكن لن أضيف بمشاركتي بجديد أكثر مما كتبه لكي المشرف الاخ بوعزيز

جزاك الله خير ياابو عزيز
الله يهديك دايم مغرقنا بخدماتك وفعايلك الطيبة
جد جد أفدتني مره جزاك ربي الجنة
نص الاماكن اللي قلتها يبيلها وقت عشان استوعبها !! وأنا أقرا اقول وش ذولي وين هم فيه !
حمستني عليها مره ,,,, عبارة عن ايش ذا المكان ؟
والمامور ,,, قصدك المانور ؟
وأبو عزيز حابة أخذ رايك بفندق الوار ويك ؟ فيه سرقات ؟ سمعته كيف ؟ وكيف أحجز من النت عليه ؟
وآخر سؤال : أوقات الصلاة بجنيف والاماكن اللي حولها شلون أعرفها خصوصا ب ابريل 2010 ؟
وعساك على القوة دايما والله يخليلك ابنائك عزيز وليان ويخليك لهم ويقر عينك فيهم اللهم آمين

معالي
هلا بك اختي
سيقنا دي بوقي منتزه خارج جنيف وموجدو في الدليل لكن انتبهي للجو اذا كان بارد فا اكيد ما يصلح لأنه مرتفع ومفتوح لكن يكفي الطريق له رائع
ايه خطأ مطبعي Manor
الورويك ما انصحك فيه لعدة اسابا منها ضيق غرفهم وحتى لو سكنتي فيه راح تكوني قلقانه من موضوع السرقة اللي صارت مرتين في السنوات الثلاث الماضية
المنطقة اصلا وجنيف كلها ما انصح اي حبيب السكن فيها الا اذا كان مضطر اذا ولوا بد وفي نفس المنطقة اسكنوا Royal
وياليت يكون السكن في Bristol أو الكمبنسكي او حتى الريشموند هذي هي الفنادق اللي تنفع لكم
الحجز يكون بخطوتين الأولى تشوفين من موقع الفندق مباشرة
وتقارنينه مع موقع حجز عام مثل البوكينق Booking
مواقيت الصلاة محدثها من اول السنة في الدليل وما عليكي الا طباعتها
ولاتهتمين بالتاريخ المكتوب لأني باواجه مشكلة فنية مو قادر اعدل على الموضوع
بالتوفيق

جزاك الله خير
كفيت ووفيت
الله يكتب لك بكل حرف حسنات مضاعفة بارك الله بجهودك

مع القران والايمان : أهلين
رحلتنا في ابريل وماتحددت كم يوم الى الان
ياليت تضيفوا كل اللي تعرفوه عن جنيف أنا بحاجة كل معلومة ومن كل زوار سويسرا
أنتظر مالديكم بشوق

صح اللسانك يا بوعزيز اختى جنيف مافيها الا البحيرة والسوق لكن خارج جنيف فى اماكن كثيرة انصحج انج تروحين من جنيف ليوم كامل الى انسى وايفيان فى فرنسا ولاتنسين ديفون هم حلوه