نعم متوفر في بوكيت عند شاطيء باتونج و بانكوك في شارع العرب ,,,
هالرابط بيفيدك ان شاء الله جزاهم الله خير , في ( بوكيت , بانكوك , بتايا )
https://artravelers.com/p/re/594776

المطاعم العربية بشكل عام نوت ذات متش
يعني يمكن افضلهم في فوكت مطعم الشرق على مااظن
واذا رحت بتايا عليك بمطعم بوعبدالله

Munati
مشكور اخوي وماقصرت ورايتك بيضاء مثل بياض قلوب اهل السلطنة
عاد لاتحسب اني متين لا بس افضل اكلنا على اكلات الاجنبية
تحياتي لك

الأماراتي
اي ثنك اني سمعت بمطعم الشرق
ابسلتلي اذا رحت بتايا بروح مطعم بوعبدالله لانه يمدحونة
ثنكس فور يو

بوكت في باتونج بيتش مطعم الشرق مقابل مجمع جونسيليون

حسن الحمادي1
مشكور يابوعلي على تفاعلك معي ونخدمك في الافراح باذن الله
ياخي يلوموني في عشقي لشعب الاماراتي

المطاعم العربية في بوكيت مبالغ حيل باسعارها مثلا مطبق هامور لشخص واحد بالشرق 1000 بات مع ان ممكن تاخذ نفس الطبق في بانكوك او بتايا 350 بات يعني في بوكيت الواحد يصرف فلوسه على الرحلات او الاكل انا انصح في بوكيت تاكل في مطاعم الفاست فود لانها ماراح تكلفك اكثر من 150 بات وخلك من العيوش لاحق عليها ومنها تخفف شوي من الكروش

بوعوض
ههه والله يابوعوض السالفة مو عيوش او كروش هاذي كلها عادي اقدر اصبر منه
بس القهر ليكون بعد مافية ( كرك ) عاد اذا تبي تذبح القطريين ودهم ديرة مافيها ( كرك )
مرة رحنا لندن ونتمشى في الهايد بارك وانا اقول لربعي هاذي الهايد بارك اللي يتكلمون فيها قال اي هذه
قلت لة انا اشوفها عادية واحنا نسولف لقينا شباب نعرفهم قاعدين في بسطة في الهايد بارك
وشوي اسحلت عيني على دلة ( الكرك ) ماوصفلك الفرحة وصرت اموت على شي اسمة الهايد بارك

بوكيت في الاكل العربي نوعا ما غالي ،،
لكن اذا تبي نصيحة في مطعم اكله لذيذ وحتى ان ودك تدفع ولا تحاتي كثرة المبلغ فعليك بمطعم الشرق ،،
بتايا الخيارات متعددة ،،
مطعم بوعبدالله
زهرة الخليج
ابونواس
وانصح في مطعم تركي في شارع الولكينق ستريت عنده شوراما لذيذة وهم مطعمين قرب بعض واحد اغلب عمالة تايلنديات والثاني في اتراك وهو الافضل ،،