1. علشان كده انا قررت اني اكتب ليكم اليوم عن الاسماعيلية.

السلام عليكم ورحمة الله وبركاته ... انا تصفحت المنتدى كتير اوي قبل ما أشترك فيه والحق يقال ..احسن منتدى وأحسن ناس.
من خلال تصفحي وجدت ان معظم الكلام عن مصر كان اما عن القاهرة او الاسكندرية او الغردقة او شرم الشيخ او مدن الجنوب. ولكن ما كانت في اي سيرة عن اي مدن تانية مثل الاسماعيلية او بورسعيد.

علشان كده انا قررت اني اكتب ليكم اليوم عن الاسماعيلية.

الاسماعيلية مدينة من ضمن 3 مدن على قناة السويس (الاسماعيلية - بورسعيد - السويس ) والمسافة بينها وبين القاهرة حوالي 90 دقيقة بالسيارة
محافظة الاسماعيلية عبارة عن عدة مدن : ( الاسماعيلية - فايد - القنطرة شرق - القنطرة غرب - التل الكبير ).. ولاحظوا اني هتكلم عن مدينة الاسماعيلية بس لاني اعرفها اوي اكتر من غيرها يعني لو رحتوا مكان تاني مش تيجوا تقولوا حاجة لاني مش اعرف حاجة عن الباقي )
.. بتتضم العديد من المميزات اللي تجعلها مكان مفضل للراحة والهدوء وأولها عدم الزحام اللي بتشتهر بيه القاهرة غير ان مساحتها مش كبيرة اوي وده اللي يخلي معظم الناس في الاسماعيلية عارفين بعضهم..علشان كده الواحد هناك يحس انه مش غريب ( لو كان جاي زيارة ) .
في كل مكان تلاقي الشجر والخضرة . غير ان في طريق طويل يسمى بطريق نمرة 6 . الطريق طوله حوالي 3 - 4 كيلو متر . وهو طريق مخصوص للجري لان على طول الطريق تلاقي الخضرة والاشجار . ( وطبعا يا سلام على الجري وممارسة الرياضة فيه على الساعة 6 الصبح .. متعة حقيقية ) .
وطبعا في شئ مهم جدا لاحظته من معظم اللي زاروا مصر وهي شكوتهم الدائمة من اجرة التاكسيات .. في الاسماعيلية دي مش فيها اي مشكلة نهائيا لان معظم الأجرة بتكون 2 جنيه وان زادت اوي هتكون 5 جنيه وكده يكون السائق ضحك عليك . غير اني زي ما قلت قبل كده ان الاسماعيلية مش كبيرة علشان كده المواصلات مش غالية . وكمان التاكسي مش بيعاملك بطريقة غريبة زي ما سائقين التاكسيا تفي القاهرة . ( انا لو عايز اوقف تاكسي ممكن اشاورله بدماغي لو كنت مكسل اني ارفع ايدي .
غير ان في الاسماعيلية الطرق مش تخليك تايه وتنسى انت فين زي ما بيحصل في القاهرة . وطبعا في مناطق مثل مناطق هيئة قناة السويس ( ودي كلها فيللات ومناطق اشجار تحس انك في أوربا مش في مصر ).
وفي طبعا مناطق زي طريق البلاجات والطريق ده بيضم العديد من الكافيهات ( ودي بتكون أماكن تجمع الشباب في الاسماعيلية .. ما يقر من 11 كافيه او يمكن أكتر )
يمكن من عيوب مدينة الاسماعيلية انها مش دايما صاحية مثل القاهرة والاسكندرية يعني ممكن تلاقي اهلها من الساعة 12 في بيوتهم ... ولما تلاقي فرقة الاسماعيلي اللي هي فرقة كرة القدم للاسماعيلية خسرت في بطولة مهمة ..تلاقي أهل الاسماعيلية كلهم في حالة حزن غريب . :112: . ولا تلاقي محل مفتوح او حتى تسمع صياح طفل ابن يومين في البلد ) يعني لو حد هينزل الاسماعيلية يعرف أهم شئ في ماتش نهائي والاسماعيلي كسب فيه ولا لأ
لاحظوا اني اتكلمت عن مدينة الاسماعيلية بس ( بفكركم يعني )
في الكتابة الجاية ليا هنزل صور لكل المناطق اللي انا كتبت عنها
أتمنى اني اكون افدتكم واعتذر للتطويل في كتابة الموضوع.