مشاري الرياض
13-05-2022 - 08:41 am
السلام عليكم
وكل عام وانتم بخير ان شاء الله مقدماً
انا عندي سؤال الا وهو :
س/ كيف اوصل لكرونيش الشارقه ؟ وابي مسجد الملك فيصل على معتقد كذا اسمه كبير جامع ؟
لاني اخر مره جيت دبي عيد الفطر اللي راح فيه تحويلات وانواع الحووسه بلا مبالغه اخذت ساعه وشووي
الين لقيت الكورنيش يعني لو فيه طريق مختصر مع التحويلات اكوون شاكر لكم .
س / شقق نجوم الاماراات اللي بدبي هل يوجد فيها مواقف مظلله او مواقف مخصص لها وشكرا ؟
http://www.wikimapia.org/
بالضبط تذكر جسر القصيص اللي حطيته لك في خريطة اماكن تأجير السكوترات (الدبابات)
كمل بإتجاه الشارقة
بيجيك تقاطع النهدة اذا خذت يمين بيوديك جهة صحارى والمناطق الصناعية
واذا كملت سيده بياخذك إلى شارع الوحدة وستي سنتر وسفير مول
واذا خذت يسار فبياخدك إلى شارع العروبة واكسبو الشارقة ومركز التعاون والقصباء وبحر الممزر
اولا راح اشرح لك اذا اخذت يسار
و بعد ماتاخذ يسار بتكون فوق الجسر
وبتنزل بمنعطف وتكمل سيده
بيجيك دوار (ميدان التعاون) عليه شعارات جميع دول مجلس التعاون
تاخذ سيده طبعا على هالدوار اكسبو الشارقة ومركز التعاون
بعد ما تكمل سيده بيجيك دوار ثاني اذا اكملت سيده بياخذك للقصباء
فيجب ان تاخذ يسار
وبيجيك دوار اما يمين او يسار
يمين إلى شارع العروبه ويسار إلى بحر الممزر
طبعا بتاخذ يمين وبتكمل سيده
بيجيك جسر امامك طبعا اذا اكملت سيده ماراح تركب الجسر بل بتمر تحته
اي ان الجسر لا يخدم طريقك
وللعلم اذا اكملت سيده راح تروح للمنطقة اللي فيها نجوم الإمارات في الشارقة
وايضا مربى الأحياء المائية بالشارقة
نكمل قبل الجسر خذ يمين (مافي غير يمين اول تحت الجسر)
وبتكون على شارع العروبه
وتكمل سيده وراح تشوف على يسارك جمعية الشارقة التعاونية
كمل سيده
بيجيك جسر امامك اذا ركبته راح يوديك إلى السوق المركزي او السوق الإسلامي
وايضا بالقرب من جامع الملك فيصل
ولكن انا افضل ان تاخذ يمين قبل الجسر
وبتكون في شارع الكورنيش
تكمل الشارع
وراح تمر على سينما جراند البحيرة
ومركز الفردان وحديقة المجاز
وعلى يسارك راح اتشوف مسجد النور الشبيهه بالمباني العثمانيه
تكمل ايضا وراح يجيك دوار وفوق جسر يخدم الطريق الآخر
اي انك راح تمر تحته
اذا اكملت سيده راح تروح لجامع الملك فيصل
واذا خذت يسار للسوق المركزي
نكمل سيده بيجيك تقاطع
اذا اخذت يسار على طول بتكون عند جامع الملك فبصل
ثانيا: اذا اكملت سيده
راح تكون على شارع الوحدة
وبتمر بالبداية على انصار مول وبعده سفير مول
وبعده ماكس
وبعده ستي سنتر
وكلهم بيكونون على يمينك
بعد الستي سنتر بيجيك تقاطع خذ يسار (الجسر اللي بعد الستي سنتر)
حاسب اكرر اكثر من مره الجسر اللي بعد الستي سنتر تاخذ يسار لأنه في جسر قبله
وبعد ما تاخذ يسار بتكون على شارع الملك فيصل
وتكمل سيده وبيجيك تقاطع ايضا سيده
وآخر الشارع بيجيك جسر تركب فوقه اذا كنت تبغي السوق المركزي
وبيكون السوق المركزي على يسارك
اما اذا بغيت الكورنيش فتاخذ تحت الجسر ويسار
واذا بغيت جامع الملك فيصل قبل الجسر يمين وبجيك تقاطع تاخذ يسار
ان شا الله تكون فهمت
وهذا موقع الشارقة الرسمي
http://www.sharjah.org
واذا كنت في الشارقة واحتجت أي مساعدة لا تتردد بالإتصال على مركز الإتصال الخاص بالسياح بالشارقة
وايضا اذا كنت في اي مكان بالإمارات واحتجت اي معلومه سياحية ام ثقافية او اي معلومه تريدها
ما عليك الا الإتصال على مركز المعلومات التابع لشركة اتصالات (لازم يكون عندك خط اتصالات)
0واي استفسار انا حاضر